வெறும் வெங்காயம் போதும்... ஈஸி லஞ்ச் ரெடி; பேச்சுலரஸ் நோட் பண்ணுங்க!

வீட்டில் எளிய முறையில், அதே சமயம் சுவையான மற்றும் மணம் நிறைந்த உணவை சமைக்க நினைப்பவர்களுக்கு, வறுத்த வெங்காய சாதம் ஒரு சிறந்த தேர்வாகும்.லஞ்ச் பாக்ஸ்க்கும் இது ஒரு நல்ல தேர்வாக இருக்கும். இதை எப்படி எளிதாகச் செய்வது என்று மை செல்ஃப்டைம் இன்ஸ்டா பக்கத்தில் கூறியிருப்பது பற்றி பார்ப்போம்.

தேவையான பொருட்கள்:

நான்கு டேபிள் ஸ்பூன் எண்ணெய்
இரண்டு நடுத்தர அளவிலான வெங்காயம்
ஒரு ஸ்பூன் மிளகாய்த்தூள்
ஒரு ஸ்பூன் கரம் மசாலா
அரை ஸ்பூன் உப்பு
வடித்து வைத்த சாதம்

செய்முறை:

முதலில், ஒரு கடாயில் நான்கு டேபிள் ஸ்பூன் எண்ணெய் சேர்த்து சூடாக்கவும். இரண்டு நடுத்தர அளவிலான வெங்காயத்தைப் பொடியாக நறுக்கி, எண்ணெயில் சேர்த்து, பொன்னிறமாக மாறும் வரை வறுக்கவும்.

வெங்காயம் வறுபட்டதும், அதை தனியாக எடுத்து வைக்கவும். அதே எண்ணெயில், ஒரு ஸ்பூன் மிளகாய்த்தூள், ஒரு ஸ்பூன் கரம் மசாலா மற்றும் அரை ஸ்பூன் உப்பு சேர்த்து நன்கு கலக்கவும். பின்னர், வறுத்து வைத்த வெங்காயத்தில் பாதியை எடுத்து, மசாலா கலவையுடன் சேர்க்கவும். அதன்பின், வடித்து வைத்த சாதத்தைச் சேர்த்து, மசாலா வெங்காயம் கலவையுடன் நன்கு கலக்கவும்.

View this post on Instagram

A post shared by Kuralarasi/swetha (@myselftime_87)

இறுதியாக, மீதமுள்ள வறுத்த வெங்காயத்தை சாதத்தின் மீது தூவி இறக்கினால், சுவையான வறுத்த வெங்காய சாதம் பரிமாறத் தயாராகிவிடும். மொறுமொறுப்பான வறுத்த வெங்காயத்தின் சுவையுடன் இந்த சாதத்தைச் சாப்பிடும்போது, அதன் சுவை மேலும் அதிகரிக்கும். இந்த எளிய செய்முறையை பின்பற்றி நீங்களும் வீட்டில் இந்த சுவையான உணவை தயாரிக்கலாம்.

இந்த சாதம் சட்டுன்னு காலையில் செய்துவிடலாம். எனவே வேலைக்கு செல்லும் பெண்கள் இனி காலையில் என்ன செய்யலாம் என்று யோசிக்க வேண்டிய அவசியம் இல்லை. பிள்ளைகளுக்கும் இந்த சாதம் பிடிக்கும். எனவே வாரத்தில் இரண்டு முறையாவது இதனை லஞ்ச்க்கு செய்து விடுங்கள். இதற்கு சைடு டிஷ் ஆக பொறியல், சிப்ஸ் அல்லது கொஞ்சம் குருமா கூட சேர்த்து கொள்ளலாம்.