மலச் சிக்கலுக்கு பெஸ்ட்; இந்தக் காய் எப்போ கிடைச்சாலும் வாங்கிச் சாப்பிடுங்க: டாக்டர் மதுசூதனன்

மலச்சிக்கல் பிரச்சனை தீர சிறந்த உணவுகள் குறித்து டாக்டர் மதுசூதனன் ஜே.ஜே ஹாஸ்பிடல் என்கிற யூடியூப் சேனலில் பேசியுள்ளார். இரைப்பை குடல் அறுவைச் சிகிச்சை மற்றும் கல்லீரல் மாற்று அறுவைச் சிகிச்சை நிபுணரான டாக்டர் மதுசூதனன் அந்த வீடியோவில் கூறியிருப்பதாவது:- 

மலச் சிக்கல் தீர நீங்கள் தவிர்க்க வேண்டிய உணவுகள் குறித்து பார்க்கலாம். அதில் நார்ச்சத்து இல்லாத உணவுகளை தவிர்க்க வேண்டும். குறிப்பாக பீட்ஸா, பர்க்கர், விரைவு உணவுகள் (ஃபாஸ்ட் ஃபுட்ஸ்), சிப்ஸ் போன்ற பேக்கரி தின்பண்டங்கள்,  மைதா சேர்க்கப்படும் உணவுகளை தவிர்க்க வேண்டும்.  அடுத்ததாக, இறைச்சி உணவுகளை தவிர்க்க வேண்டும். 

தண்ணீர் அதிகம் குடிக்க வேண்டும். எப்போதுமே ஒரு வாட்டர் பாட்டிலில் தண்ணீர் வைத்துக் கொண்டு அடிக்கடி பருகி வர வேண்டும். உங்கள் குழந்தைகளுக்கும் அதனை சொல்லிக்  கொடுக்க வேண்டும்.  

நீங்கள் எடுத்துக் கொள்ள வேண்டிய உணவுகளாக நார்ச்சத்து நிறைந்த உணவுகள் இருக்கிறது. அரிசி, கோதுமை, சிவப்பு அரிசி போன்றவற்றில் தயார் செய்யப்படும் உணவுகளை சாப்பிட்டு வரலாம். அதேபோல், சிறுதானியத்தில் தயார் செய்யப்படும் உணவுகளை அன்றாட சாப்பிட்டு வரலாம்.  ராஜ்மா, வெள்ளை கொண்டக்கடலை, பட்டாணி போன்றவைகளையும் சாப்பிடலாம். 

பழங்களில் கொய்யாப்பழம், ஆப்பிள், ஆரஞ்சு சாப்பிடலாம். பேரிக்காய் எப்போது கிடைத்தாலும் வாங்கி சாப்பிட வேண்டும். உலர்ந்த பழங்களில் கிசுமுசு, பேரீச்சைப் பழம் போன்றவைகளை சாப்பிடலாம். காய்கறிகளிலும் நிறைய நார்ச்சத்து இருக்கிறது. முருங்கைக்காய், கேரட், பச்சை பட்டாணி, சர்க்கரை வள்ளி கிழங்கு போன்றவைகளை அன்றாட சாப்பிட்டு வரலாம். கடலைகளை பொறுத்தவரையில், வேர்க்கடலை, பாதம் போன்றவைகளை நிறைய எடுத்துக் கொள்ள வேண்டும் 

இவ்வாறு அவர் தெரிவித்துள்ளார். 

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.