/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/07/01/ivy-gourd-2025-07-01-16-42-17.jpg)
சுகர் டூ சிறுநீரக பிரச்சனை வரை... பலனை அளித்தத் தரும் கோவக்காய்!
தேவையான பொருட்கள்:
கோவைக்காய் - 250 கிராம், நல்லெண்ணெய் - 3-4 டேபிள்ஸ்பூன், கடுகு - 1/2 டீஸ்பூன், உளுத்தம் பருப்பு - 1/2 டீஸ்பூன், கடலைப்பருப்பு - 1/2 டீஸ்பூன், கறிவேப்பிலை - சிறிதளவு, சின்ன வெங்காயம் - 10-12, தக்காளி - 2 (நறுக்கியது), தேங்காய் துண்டுகள், இஞ்சி பூண்டு விழுது - 1 டீஸ்பூன், மஞ்சள் தூள் - 1/4 டீஸ்பூன், மிளகாய் தூள் - 1-1.5 டீஸ்பூன் (காரத்திற்கு ஏற்ப), தனியா தூள் - 1 டீஸ்பூன், கரம் மசாலா தூள் - 1/2 டீஸ்பூன், புளி, வெல்லம், உப்பு - தேவையான அளவு, கொத்தமல்லி இலைகள் - சிறிதளவு
செய்முறை:
ஒரு அகலமான கடாய் அல்லது நான்-ஸ்டிக் பான்-ஐ அடுப்பில் வைத்து 1 டேபிள்ஸ்பூன் எண்ணெய் ஊற்றி சூடுபடுத்தவும். எண்ணெய் சூடானதும், நறுக்கிய கோவைக்காயைச் சேர்த்து, கோவைக்காயின் பச்சை வாசனை நீங்கி, நிறம் மாறி, சுருங்கும் வரை சுமார் 5-7 நிமிடங்கள் மிதமான தீயில் நன்கு வதக்கி தனியே எடுத்து வைத்துக் கொள்ளவும். (இது கோவைக்காயில் உள்ள கசப்புத்தன்மையை நீக்கி, சுவையை மேம்படுத்தும்). அதே கடாயில் மீதமுள்ள எண்ணெய் (2-3 டேபிள்ஸ்பூன்) ஊற்றி சூடுபடுத்தவும். எண்ணெய் காய்ந்ததும், கடுகு, உளுத்தம் பருப்பு, கடலைப்பருப்பு (சேர்ப்பதாக இருந்தால்) சேர்த்து பொரிய விடவும். கடுகு பொரிந்ததும், கறிவேப்பிலை சேர்த்து வதக்கவும். நறுக்கிய வெங்காயத்தைச் சேர்த்து, பொன்னிறமாக மாறும் வரை நன்கு வதக்கவும். பிறகு, இஞ்சி பூண்டு விழுது சேர்த்து, பச்சை வாசனை நீங்கும் வரை ஒரு நிமிடம் வதக்கவும். நறுக்கிய தக்காளியைச் சேர்த்து, தக்காளி குழைய வதங்கும் வரை நன்றாக வதக்கவும்.
தக்காளி வதங்கியதும், மஞ்சள் தூள், மிளகாய் தூள், தனியா தூள், மற்றும் கரம் மசாலா தூள் (சேர்ப்பதாக இருந்தால்) சேர்த்து, மசாலாவின் பச்சை வாசனை போகும் வரை சில வினாடிகள் வதக்கவும். (தீயை குறைத்துக் கொள்ளவும்). முன்னரே வதக்கி வைத்துள்ள கோவைக்காயை இப்போது மசாலாவுடன் சேர்த்து நன்கு கலந்து விடவும். புளி கரைசலைச் சேர்த்து, தேவையான அளவு உப்பு மற்றும் வெல்லம் (அல்லது சர்க்கரை) சேர்க்கவும். அனைத்தையும் நன்கு கலந்து, குறைந்த தீயில் 5-7 நிமிடங்கள் மூடி வைத்து சமைக்கவும். எண்ணெய் பிரிந்து மேலே வரும் வரை சமைக்க வேண்டும். இடையில் அடி பிடிக்காமல் இருக்க அவ்வப்போது கிளறி விடவும். தொக்கு கெட்டியான பதம் வந்ததும், அடுப்பை அணைத்து, நறுக்கிய கொத்தமல்லி இலைகளால் அலங்கரித்து பரிமாறவும்.
நன்மைகள் : கோவக்காயில் உள்ள நார்ச்சத்து செரிமானத்தை மேம்படுத்துகிறது. அல்சர் உள்ளவர்களுக்கு இது நல்ல பலனை கொடுக்கும். கால்சியம் மற்றும் இதர மினரல்களால் உருவாகும் சிறுநீரக கற்கள் சிறுநீரக பாதையில் தங்கிவிடும். கோவக்காயில் உள்ள ஆரோக்கியமான கால்சியம் சத்து இந்த சிறுநீரக கற்களை தடுக்கக் கூடியது. கோவக்காய் இலைகள் மற்றும் தண்டுகளை பேஸ்ட் போல அரைத்து சருமத்தில் தடவினால் அலர்ஜிகள் குணமாகும். கோவக்காயில் உள்ள ஆண்டிஆக்சிடண்ட் சத்துக்கள் மற்றும் பீடா கரோடின் ஆகியவை புற்றுநோய் உண்டாகுவதை தடுக்கும். கோவக்காயில் உள்ள பொட்டாசியம் சத்து இதய செயல்பாடுகளை ஊக்குவிக்கும்.
Stay updated with the latest news headlines and all the latest Lifestyle news. Download Indian Express Tamil App - Android or iOS.