scorecardresearch

பாதி எலுமிச்சை, ஒரு ஸ்பூன் தேன், கொஞ்சூண்டு இஞ்சி… இதில் இவ்ளோ நன்மை இருக்கு!

தொற்றுநோய் தடுப்பு முதல் மாதவிடாய் வலியை நீக்குவது வரை; இஞ்சி சாறின் ஆரோக்கிய நன்மைகளும், இஞ்சி டீ செயல்முறையும் இங்கே

பாதி எலுமிச்சை, ஒரு ஸ்பூன் தேன், கொஞ்சூண்டு இஞ்சி… இதில் இவ்ளோ நன்மை இருக்கு!

இஞ்சி பல்வேறு ஆரோக்கிய நன்மைகளைக் கொண்டுள்ள அற்புதமான உணவுப்பொருள். பொதுவாக சமையலில் சுவைக்காக சேர்க்கப்படும் இஞ்சி நமது பல்வேறு சுகாதாரப் பிரச்னைகளுக்கு தீர்வாகவும் பயன்படுகிறது.

பல நூற்றாண்டுகளாக, சளி மற்றும் வயிற்றுப் பிரச்சினைகள் போன்ற நோய்களுக்கு இஞ்சி தீர்வாகப் பயன்படுத்தப்படுகிறது. இஞ்சியின் முக்கிய ஆரோக்கிய நன்மைகள் இங்கே.

இதையும் படியுங்கள்: பெண்களுக்கு மிகவும் நல்லது! உளுந்து குழம்பு இப்படி செய்து சாப்பிடுங்க

தொற்று நோய்களைத் தடுக்க உதவும்

பல்வேறு வகையான பாக்டீரியாக்கள் மற்றும் வைரஸ்களின் வளர்ச்சியை இஞ்சி தடுக்கிறது, இது உங்கள் தொற்றுநோய்களின் அபாயத்தைக் குறைக்கும். விஞ்ஞான சமூகம் இஞ்சியை இயற்கையான ஆண்டிபயாடிக் என்றும் அங்கீகரிக்கிறது.

மாதவிடாய் வலியைப் போக்குகிறது

இஞ்சியை உட்கொள்வது இப்யூபுரூஃபனைப் போலவே பயனுள்ளதாக இருக்கும் என்று ஒரு ஆய்வு காட்டுகிறது, ஏனெனில் இது இயற்கையான வலி நிவாரணியாகவும் மற்றும் வீக்கத்திற்கு உதவுகிறது.

குமட்டலுக்கு தீர்வு

குமட்டலுக்கு எதிராக இஞ்சி மிகவும் பயனுள்ளதாக இருக்கும். கீமோதெரபி தொடர்பான குமட்டல், அறுவைசிகிச்சைக்குப் பிறகான குமட்டல் மற்றும் காலை சுகவீனம் ஆகியவற்றை தீர்க்க உதவுகிறது. ஆனால் அதை மிதமாக எடுத்துக்கொள்ள வேண்டும்.

மூட்டு வலிக்கு தீர்வு

ஆஸ்டியோ ஆர்த்ரைடிஸ் எனப்படும் மூட்டு வலி மற்றும் விறைப்பு போன்ற அறிகுறிகளில் இருந்து விடுபட இஞ்சி உதவுகிறது.

இஞ்சியின் அழற்சி எதிர்ப்பு பண்புகள் மூட்டுவலி உள்ளவர்களுக்கு வலியைப் போக்கவும், மூட்டு செயல்பாட்டை மேம்படுத்தவும் உதவுகின்றன.

நாள்பட்ட அஜீரணம்

நாள்பட்ட அஜீரணம் வயிற்றின் மேல் பகுதியில் மீண்டும் மீண்டும் வலி மற்றும் அசௌகரியத்தால் வகைப்படுத்தப்படுகிறது. வயிற்றை தாமதமாக காலி செய்வது அஜீரணத்திற்கு முக்கிய காரணம் என்று நம்பப்படுகிறது. இஞ்சி டீ குடிப்பது உணவின் இயக்கத்தை விரைவுபடுத்த உதவுகிறது.

வயிற்று உப்புசம் உள்ளவர்கள் காலை கப் தேநீர் அல்லது தண்ணீரில் அரைத்த இஞ்சியைச் சேர்க்க விரும்பலாம்.

இஞ்சி டீ செய்வது எப்படி?

தேவையான பொருட்கள்

இஞ்சி – 1 அங்குலம்

தண்ணீர் – 2 கப்

எலுமிச்சை – பாதியளவு

தேன் – 1 தேக்கரண்டி

செய்முறை

ஒரு பாத்திரத்தில் இஞ்சியை தோலுரித்து அரைத்துக் கொள்ளவும்.

சூடான நீரில், இஞ்சி, எலுமிச்சை துண்டுகள் சேர்த்து, மூடி வைத்து 5 நிமிடம் கொதிக்க வைக்கவும்.

பின்னர் அடுப்பில் இருந்து இறக்கி, வடிகட்டி, சூடாகவோ அல்லது இளஞ்சூடாகவோ பருகவும். சுவைக்கு வேண்டுமானால் தேன் சேர்த்துக்கொள்ளுங்கள்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest Food news download Indian Express Tamil App.

Web Title: Health benefits of ginger and how to make ginger tea in tamil