ஆப்பிளை விட 40 மடங்கு சத்துக்கள் அதிகம்… இந்த இலையில் இருக்கு; டாக்டர் கௌதமன்

இருமல், சளிக்கு மட்டுமில்லாமல் கற்பூரவள்ளிக்கு என்று சில பயன்களும் உள்ளன. அவை என்னென்ன என்று பார்ப்போம். இதுகுறித்து டாக்டர் கௌதமன் ஸ்ரீவர்மா யூடியூப் பக்கத்தில் கூறியிருப்பது பற்றி பார்ப்போம்.

வளர்சிதை மாற்றத்தை சரி செய்ய உதவும்: ஆப்பிளை விட 10 மடங்கு அதிகமான ஆண்டிஆக்ஸிடெண்ட் கற்பூரவல்லியில் உள்ளது. தினசரி 4 கற்பூரவல்லி இலையை சாப்பிடுவது ஆப்பிள் சாப்பிடுவதற்கு சமமாகும். தினசரி ஆப்பிள் சாப்பிடுவதால் கிடைக்கும் பலனை தினமும் 4 கற்பூரவல்லி இலையை மென்று சாப்பிட்டாலே போதும் உடலில் நல்ல மாற்றத்தை காணலாம்.  

வறட்டு இருமல்: 4 கற்பூரவல்லி இலைகளை எடுத்து தீயில் லேசாக வாட்டி சாறு பிளிந்து தேன் கலந்து காலை வெறும் வயிற்றில் 48 நாட்கள் சாப்பிட்டு வர வறட்டு இருமல் நீங்கும். சர்க்கரை நோய் உள்ளவர்கள் தேன் சேர்க்க வேண்டாம்.

சோம்பேறித்தனம்: காலையில் சுறுசுறுப்பாக இருப்பதற்கு இந்த கற்பூரவல்லி உதவும். இதை மென்றும் சாப்பிடலாம், சாறு எடுத்தும் சாப்பிடலாம்.

பித்தப்பைக்கல் :  கற்பூரவல்லி சூரம், முசுமுசுக்கை, சுக்கு மூன்றையும் கொதிக்க வைத்து காலை, மாலை சாப்பிட்டு வர பித்தப்பை கல் நீங்கும்.

சிறுநீரகக் கல்: காலை வெறும் வயிற்றில் கற்பூரவல்லியை முன்று எச்சிலுடன் சேர்த்து முழுங்கும்போது சிறுநீரக கல் பிரச்சனை நீங்கும். மேலும் மலச்சிக்கலை போக்கும்.

வாய்வுத் தொல்லை: இரவு படுக்கும்போது கற்பூரவல்லி இலையை மென்று சாப்பிட்டு சுடுதண்ணீர் குடித்தால் வாய்வுத் தொல்லை இருக்காது.

மாதவிடாய் கோளாறு: மாதவிடாய் நேரங்களில் ஏற்படும் வலியை போக்க காலை மாலை 6 மணிக்கு கற்பூரவல்லி இலையை மென்று சாப்பிட்டு வர வலி நீங்கும். 

தொப்பை குறைவு: உடல் பருமன் மற்றும் தொப்பையை குறைக்க உதவும். காலை, மதியம், இரவு என மூன்று நேரமும் கற்பூரவல்லி இலையை சாப்பிட்டு வர தொப்பை குறையும். 

எதிர்மறை சக்தி: வீட்டு வாசலில் கற்பூரவல்லியை நட்டு வைத்தால் நம் வாழ்வின் எதிர்மறை சக்திகள் நீங்கும். 

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.