இப்ப ட்ரெண்டிங் இதுதான்: இந்த ரசம் ரெசிபி அம்புட்டு ருசி!

இன்றைய அவசர உலகில், ஆரோக்கியமான உணவுகளை வீட்டிலேயே சமைப்பது ஒரு சவாலாக உள்ளது. ஆனால், ஸ்ரீ பவா குக்கிங் அண்ட் டிப்ஸ் இன்ஸ்டாகிராம் பக்கத்தில்குறைந்த செலவில், எளிமையான முறையில் ஆரோக்கியமான பீட்ரூட்ரசம்எப்படிசெய்வதுஎன்றுபகிரப்பட்டுள்ளது. அந்த வகையில், வெறும் ஐந்து ரூபாயில் வீட்டிலேயே சுவையான மற்றும் ஆரோக்கியமான பீட்ரூட் ரசம் தயாரிப்பது எப்படி என்றுபார்ப்போம்.

பீட்ரூட் ரசம் என்பது வழக்கமான ரசத்திற்குப் பதிலாக ஒரு புதிய சுவை அனுபவத்தை வழங்குவதோடு, பீட்ரூட்டில் உள்ள அனைத்து ஊட்டச்சத்துக்களையும் நாம் எளிதாகப் பெற உதவுகிறது. இந்த ரசம் குழந்தைகள் முதல் பெரியவர்கள் வரை அனைவருக்கும் ஏற்றது.

தேவையான பொருட்கள்:

ஒரு பீட்ரூட்

தேவையான அளவு மஞ்சள் தூள்

உப்பு

சிறிய துண்டு புளி

ஒரு தக்காளி

சிறிதளவு மிளகு

சீரகம்

பூண்டு

சின்ன வெங்காயம்

சிறிது கொத்தமல்லி

பெருங்காயத்தூள்

கடுகு

உளுத்தம் பருப்பு

கறிவேப்பிலை

செய்முறை:

முதலில், ஒரு பீட்ரூட்டை நன்றாகக் கழுவி, அதன் தோலை நீக்கி, சிறிய துண்டுகளாக நறுக்க வேண்டும். பிறகு, அதை குக்கரில் போட்டு, மஞ்சள் தூள் மற்றும் உப்பு சேர்த்து மூன்று விசில் வரும் வரை நன்கு வேகவைக்க வேண்டும். பீட்ரூட் நன்கு ஆறிய பிறகு, அதை மிக்ஸியில் போட்டு மையாக அரைத்து, ஒரு விழுது போல தயார் செய்ய வேண்டும்.

அடுத்ததாக, ஒரு தக்காளி மற்றும் புளியை தண்ணீரில் ஊறவைத்து, அதன் சாற்றை மட்டும் தனியாக எடுத்துக்கொள்ள வேண்டும். இது ரசத்திற்கு ஒரு புளிப்புச் சுவையைக் கொடுக்கும்.இப்போது, ரசத்திற்கான மசாலா விழுது தயார் செய்ய வேண்டும். இதற்கு, மிளகு, சீரகம், பூண்டு மற்றும் சின்ன வெங்காயம் ஆகியவற்றை ஒரு உரலில் போட்டு இடித்து, கரடுமுரடான விழுது போல தயார் செய்ய வேண்டும்.

அரைத்து வைத்த பீட்ரூட் விழுது, இடித்து வைத்த மசாலா விழுது, மற்றும் நறுக்கிய கொத்தமல்லி இலைகளை புளி மற்றும் தக்காளி சாற்றுடன் சேர்த்து நன்கு கலக்க வேண்டும். இந்தக் கலவையில் தேவையான அளவு உப்பு சேர்த்து, பிறகு அதை வடிகட்டி, ரசம் தண்ணீர் மட்டும் தனியாக எடுத்துக்கொள்ள வேண்டும். வடிகட்டிய பீட்ரூட் திப்பி மற்றும் மசாலா கலவையைத் தூக்கி எறியாமல், அதைத் தாளிப்பிற்குப் பயன்படுத்தலாம்.

இறுதியாக, ஒரு மண் சட்டி அல்லது ஒரு பாத்திரத்தில் எண்ணெய் ஊற்றி, அது காய்ந்ததும் பெருங்காயத்தூள், கடுகு, உளுத்தம் பருப்பு, கறிவேப்பிலை ஆகியவற்றைச் சேர்த்துத் தாளிக்கவும். தாளித்த பின், வடிகட்டி எடுத்த பீட்ரூட் திப்பி மற்றும் மசாலா கலவையைச் சேர்த்து, அதன் பச்சை வாசனை நீங்கும் வரை நன்கு வதக்க வேண்டும்.

View this post on Instagram

A post shared by Sri Bava (@sri_bava_99)

பிறகு, வடிகட்டி வைத்த ரசம் தண்ணீரைச் சட்டியில் ஊற்றி, ரசம் நுரைத்து வரும்போது, அடுப்பை அணைத்துவிட வேண்டும். கொதிக்கும் வரை காத்திருந்தால், ரசத்தின் சுவை மாறிவிடும். இறுதியாக, நறுக்கிய கொத்தமல்லி இலைகளைத் தூவி இறக்கினால், சுவையான மற்றும் ஆரோக்கியமான பீட்ரூட் ரசம் தயார்.இந்த எளிய செய்முறையைப் பின்பற்றி, குறைந்த செலவில், அதிக ஊட்டச்சத்து நிறைந்த பீட்ரூட் ரசத்தைச் சமைத்து மகிழுங்கள்.