சும்மா சுருக்குன்னு ஒரு குழம்பு... வாயுத் தொல்லைக்கு குட்பை!

வாய்க்கு ருசியாக சும்மா சுருக்குன்னு சாப்பிட வேண்டும் என்று நினைப்பவர்கள் இந்த பூண்டு மிளகு குழம்பு ரெசிபியை ட்ரை பண்ணலாம். இது சுவையாக இருப்பது மட்டுமின்றி, வாயுத் தொல்லையை போக்கக் கூடிய ஆற்றலும் கொண்டுள்ளது.

தேவையான பொருட்கள்:

மல்லி,
மிளகு,
சீரகம்,
வெந்தயம்,
கடலை பருப்பு,
காய்ந்த மிளகாய்,
அரிசி,
கறிவேப்பிலை,
எண்ணெய், 
தாளிப்பு வடகம்,
சின்ன வெங்காயம்,
பூண்டு,
மஞ்சள் தூள், 
உப்பு,
புளி கரைசல்.

செய்முறை:

ஒரு டேபிள் ஸ்பூன் மல்லி, மிளகு, அரை டேபிள் ஸ்பூன் சீரகம், கால் ஸ்பூன் வெந்தயம், அரை டேபிள் ஸ்பூன் கடலை பருப்பு, 4 காய்ந்த மிளகாய், கால் ஸ்பூன் அரிசி மற்றும் சிறிது கறிவேப்பிலை ஆகியவற்றை கடாயில் போட்டு வறுக்க வேண்டும்.

அதன் பின்னர், இவை அனைத்தையும் பசை பதத்திற்கு மிக்ஸியில் அரைக்க வேண்டும். இனி அடுப்பில் இருக்கு கடாயில் நான்கு டேபிள் ஸ்பூன் எண்ணெய், தாளிப்பு வடகம், அரை கப் சின்ன வெங்காயம், கொஞ்சமாக கறிவேப்பிலை, ஒரு கப் பூண்டு சேர்த்து ஒரு நிமிடம் வதக்க வேண்டும்.

இதையடுத்து, அரைத்து வைத்திருக்கும் மசாலாவை இத்துடன் சேர்க்க வேண்டும். தேவையான அளவு தண்ணீர், கால் ஸ்பூன் மஞ்சள் தூள், உப்பு சேர்த்து கலக்கவும். இது கொதிக்கும் போது புளி கரைசல் ஊற்ற வேண்டும்.

இதில் இருந்து எண்ணெய் பிரிந்து வரும் போது கொஞ்சமாக கறிவேப்பிலை தூவி இறக்கினால் சுவையான பூண்டு மிளகு குழம்பு தயாராகி விடும்.

View this post on Instagram

A post shared by Nandhini saravanan (@magiscookingdiary_)