scorecardresearch

சிக்கனை விட மட்டன் பெஸ்ட்: புரோட்டின், இரும்புச் சத்து எவ்ளோ அதிகம் தெரியுமா?

ஆட்டு இறைச்சி சாப்பிடுவதை தவிர்க்கும் நான் வெஜ் பிரியர்களுக்கு தான் இந்த செய்தி.

சிக்கனை விட மட்டன் பெஸ்ட்: புரோட்டின், இரும்புச் சத்து எவ்ளோ அதிகம் தெரியுமா?
chicken or mutton which is healthier

இந்த உலகில் அசைவ உணவுகளுக்கு பலரும் அடிமை. ஹோட்டலுக்கு போனாலும் சரி, வீட்டில் இருந்தாலும் சரி, ஏதாவது விடுமுறை என்றால் உடனே கோழி இறைச்சி வாங்கி, சிக்கன் பொரியல், சிக்கன் குழம்பு, பிரைடு சிக்கன் இப்படி ஏதாவது சமைத்து சாப்பிட்டால் தான் அந்த நாள் முழுமையடையும். ஆனால் சிக்கன் விரும்பி சாப்பிடும் பலரும் மட்டன் விரும்புவதில்லை.

ஆட்டு இறைச்சி சாப்பிடுவதை தவிர்க்கும் நான் வெஜ் பிரியர்களுக்கு தான் இந்த செய்தி. ஆட்டு இறைச்சி ஆரோக்கியமற்றது என்று அவர்கள் நம்புவதால் தான், பெரும்பாலும் அதற்கு பதிலாக சிக்கன் சாப்பிட விரும்புகிறார்கள்.

இருப்பினும், நான் வெஜ் உண்பவர்களுக்கு, கோழியை விட ஆட்டிறைச்சி, குறிப்பாக அதன் சாப்ஸில் அதிக நன்மைகள் உள்ளன என்பது தெரியாது.

இதுகுறித்து ஊட்டச்சத்து நிபுணர் பூஜா மல்ஹோத்ரா தன்னுடைய இன்ஸ்டாகிராமில் விளக்கம் அளித்துள்ளார். மட்டன் சாப்ஸ் சாப்பிடுவதால் ஏற்படும் ஆரோக்கிய நன்மைகள் பற்றி அவர் கூறினார்.

இந்த உண்மைகளைப் பற்றி அறிந்தால் நீங்கள் ஆச்சரியப்படுவீர்கள். நீங்கள் சாப்பிட விரும்பும் இறைச்சி வகையைத் தேர்ந்தெடுக்கும்போது, ​​மேலும் தகவலறிந்த முடிவை எடுக்க இது உங்களுக்கு உதவுவம்.

ஊட்டச்சத்து நிபுணர் பூஜா மல்ஹோத்ரா கூறியதாவது:

மட்டன் சாப்ஸில்’ கோழியை விட குறைவான கலோரிகள், குறைந்த கொழுப்பு மற்றும் சற்று அதிக புரதம் உள்ளது.

மட்டன் சாப்ஸில் அதிக இரும்பு மற்றும் பொட்டாசியம் மற்றும் கோழியை விட குறைவான சோடியம் உள்ளது.

கோழி இறைச்சி சாப்பிடுவதற்கு ஏற்றது என்று நம்மில் பலர் நம்புகிறோம். இருப்பினும், கோழியின் சில பகுதிகள் மட்டுமே நமக்கு நல்லது. மீதமுள்ளவற்றில் கொழுப்பு உள்ளது, அதை சாப்பிடுவது ஆரோக்கியத்திற்கு தீங்கு விளைவிக்கும்.

பூஜா மல்ஹோத்ராவின் கூற்றுப்படி, கோழியின் மார்பகப் பகுதியை விட, அதன் கால்கள், இறக்கைகள் மற்றும் தொடை பகுதிகள் அதிக கொழுப்பு உள்ளடக்கத்தைக் கொண்டுள்ளன. எனவே, கோழிக்கறி சாப்பிடும் போது, ​​எப்போதும் பிரெஸ்ட் பகுதியைத் தேர்ந்தெடுப்பது நல்லது.

மீன் தவிர மட்டன் சாப்ஸ், சிக்கன் பிரெஸ்ட் தான் சாப்பிடுவதற்கு ஏற்ற இறைச்சி வகை என்று ஊட்டச்சத்து நிபுணர் கூறினார். எனவே, உங்களுக்கு பிடித்த இறைச்சி உணவை சாப்பிட விரும்பும் போது மட்டன் சாப்ஸ் சாப்பிட்டு மகிழலாம்.

இருப்பினும், அதிகப்படியான நுகர்வு ஆரோக்கியத்திற்கு தீங்கு விளைவிக்கும். எனவே, மட்டன் சாப்ஸ் அல்லது சிக்கன் பிரெஸ்ட் எது சாப்பிட்டாலும் மிதமாக வைத்திருங்கள்.

நினைவில் கொள்ளுங்கள், எந்த இறைச்சியை அடிக்கடி சாப்பிடுவது நல்லது மற்றும் எப்போதாவது சாப்பிடுவது நல்லது என்பதை அறிவது ஆரோக்கியமான வாழ்க்கை முறையின் முக்கிய பகுதியாகும். நீங்கள் சரியான தேர்வுகளைச் செய்தால் இறைச்சி உங்கள் உடலுக்கு நம்பமுடியாத அளவிற்கு உதவியாக இருக்கும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Food news download Indian Express Tamil App.

Web Title: Healthy food non veg food chicken mutton