டயட் இருப்பவரா நீங்க? இந்த உணவு கொஞ்சம் சாப்பிட்டு பாருங்க!

உடல் எடையைக் குறைக்க நினைப்பவர்களுக்கு, கோதுமை ரவா இட்லி ஒரு சிறந்த மற்றும் சுலபமான காலை உணவு. இதை வீட்டிலேயே எப்படி செய்வது என்று ரேவாஸ் கிச்சன் இன்ஸ்டா பக்கத்தில் கூறியிருப்பது பற்றி பார்ப்போம். உடல் எடையைக் குறைக்கும் முயற்சியில் இருப்பவர்களுக்கு காலை உணவு மிகவும் அவசியம். ஆனால் என்ன சாப்பிடுவது என்பதில் பலருக்குக் குழப்பம் இருக்கும். இதோ உங்களுக்காக, ஆரோக்கியமான அதே சமயம் சுலபமாகச் செய்யக்கூடியகோதுமை ரவா இட்லி எப்படி செய்வது என்று பார்ப்போம்.

தேவையான பொருட்கள்:

கோதுமை ரவை – 1 கப்
தயிர் – 1 கப் 
தண்ணீர் – ¼ கப் 
இஞ்சி – 1 டீஸ்பூன் 
கடுகு – ½ டீஸ்பூன்
உளுந்து பருப்பு – 1 டீஸ்பூன்
சிறிய வெங்காயம் – 5
கறிவேப்பிலை
பச்சை மிளகாய் – 1
காய்ந்த மிளகு – ½ டீஸ்பூன்
நறுக்கிய கொத்தமல்லி – 1 டேபிள்ஸ்பூன்
எண்ணெய் – 1.5 டேபிள்ஸ்பூன்
உப்பு

செய்முறை:

ஒரு பாத்திரத்தில் கோதுமை ரவை மற்றும் தயிர் சேர்த்து நன்கு கலந்து ஒரு மணி நேரம் ஊற வைக்கவும். ஒரு கடாயில் எண்ணெய் ஊற்றி, கடுகு, உளுந்து பருப்பு, காய்ந்த மிளகு, நறுக்கிய இஞ்சி, வெங்காயம், கறிவேப்பிலை, பச்சை மிளகாய் சேர்த்து நன்கு வதக்கவும்.

ஊறவைத்த கோதுமை ரவைக் கலவையில், வதக்கிய தாளிப்பைச் சேர்த்து, சிறிது சிறிதாகத் தண்ணீர் ஊற்றி நன்கு கிளறவும். இட்லி தட்டுகளில் லேசாக எண்ணெய் தடவி, மாவை ஊற்றுவதற்கு முன் வறுத்த முந்திரி (விருப்பப்பட்டால்) சேர்த்து, பின்னர் மாவை நிரப்பவும். இட்லி குக்கரில் 10-12 நிமிடங்கள் வேகவைக்கவும்.

சுவையான மற்றும் சத்தான கோதுமை ரவா இட்லி தயார். இதை புதினா சட்னி, தக்காளி சட்னி, கொத்தமல்லி சட்னி அல்லது எளிதான மிளகாய் பொடியுடன் பரிமாறலாம். இது செரிமானத்திற்கு எளிதானதுடன், உங்கள் உடல் எடை குறைப்புப் பயணத்திற்கு மிகவும் உறுதுணையாக இருக்கும்.

View this post on Instagram

A post shared by Revathi Gunasekaran (@revas__kitchen)