கிட்னி பிரச்சினைக்கு குட் பை... இந்த சூப் அடிக்கடி சாப்பிட்டு வாங்க!

சிறுநீரகக் கற்கள் கரைவதற்கும், ஒட்டுமொத்த சிறுநீரக ஆரோக்கியத்திற்கும் வாழைத்தண்டு ஒரு சிறந்த உணவாகும். இதைத் தொடர்ந்து உட்கொள்வது சிறுநீரகப் பிரச்சனைகளுக்கு ஒரு சிறந்த தீர்வாக அமையும். வாரத்திற்கு ஒரு முறையாவது வாழைத்தண்டு ஜூஸ் அருந்துவது நன்மை பயக்கும். மேலும், இந்த சூப்பை அடிக்கடி உணவில் சேர்த்துக்கொள்வது உங்கள் கிட்னி பிரச்சனைகளுக்கு 'குட் பை' சொல்ல உதவும். 

தேவையான பொருட்கள்:

வாழைத்தண்டு - 1 கப்
எலுமிச்சை சாறு -1/2 தேக்கரண்டி
தண்ணீர் - 1/2 கப்
பாசிப்பயறு (அரை மணி நேரம் ஊறவைத்தது)    2 தேக்கரண்டி
சீரகம்    1/2 தேக்கரண்டி
சின்ன வெங்காயம் 4-5
பூண்டுப் பற்கள்    2-3
மஞ்சள் தூள் 
மிளகுத் தூள் 
உப்பு 
கொத்தமல்லி இலை  

செய்முறை:

நறுக்கிய வாழைத்தண்டு துண்டுகளை மிக்ஸியில் போட்டு, சிறிது தண்ணீர் சேர்த்து நன்கு அரைக்கவும். அரைத்த விழுதை வடிகட்டி, அதில் எலுமிச்சை சாற்றைச் சேர்க்கவும். உடனடியாகப் பருகவும். இது சிறுநீரகக் கற்கள் வெளியேற உதவும். குக்கரில் நறுக்கிய வாழைத்தண்டு, ஊறவைத்த பாசிப்பயறு, சின்ன வெங்காயம், பூண்டு, சீரகம் மற்றும் மஞ்சள் தூள் சேர்த்து, ஒரு கப் தண்ணீர் ஊற்றி, 3 முதல் 4 விசில் வரும் வரை வேக விடவும்.

ஆறிய பின், வேகவைத்த கலவையை மசித்து அல்லது சிறிது அரைத்து மீண்டும் அடுப்பில் வைக்கவும். தேவைப்பட்டால் மேலும் சிறிது தண்ணீர் சேர்த்து, உப்பு மற்றும் மிளகுத் தூள் சேர்த்து ஒரு கொதி விடவும். சூப் நன்கு சூடான பின், கொத்தமல்லி இலைகளால் அலங்கரித்து பரிமாறவும். இந்த சூப்பை வாரத்திற்கு மூன்று அல்லது நான்கு முறை அருந்துவது சிறுநீரகத்தை வலுப்படுத்த உதவும். சிறுநீரகப் பிரச்சனைகளுக்கு இந்த எளிய வாழைத்தண்டு ரெசிபிகள் ஒரு இயற்கையான தீர்வாக அமைகின்றன. ஆரோக்கியமான சிறுநீரகங்களுக்கு வாழைத்தண்டை உங்கள் அன்றாட உணவில் சேர்த்துக்கொள்ளுங்கள்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.