வீட்டிலேயே இனி செய்யலாம் பானிபூரி... ரசத்தில் இதை சேர்த்து செய்யுங்கள்

சுவையான பானிபூரியை வீட்டிலேயே செய்யறது ரொம்ப ஈஸி. இதுக்குத் தேவையான பூரி, மசாலா, மற்றும் பானி ஆகிய மூன்றையும் எப்படிச் செய்யறதுன்னு படிப்படியா பார்க்கலாம். இதில் பூரிக்கு கடைகளில் கிடைக்கும் ரெடிமேட் பூரி வாங்கி பொரித்து கொள்ளலாம். 

மசாலா செய்முறை - தேவையான பொருட்கள்:

வேகவைத்த உருளைக்கிழங்கு - 2-3
வேகவைத்த பட்டாணி - 1/2 கப்
வெங்காயம் - 1 (நறுக்கியது)
சாட் மசாலா - 1 டீஸ்பூன்
சீரகத்தூள் - 1/2 டீஸ்பூன்
கரம் மசாலா - 1/2 டீஸ்பூன்
மிளகாய்த்தூள் - 1/2 டீஸ்பூன்
உப்பு - தேவையான அளவு
கொத்தமல்லி இலை - சிறிதளவு

செய்முறை: வேகவைத்த உருளைக்கிழங்கைத் தோலுரித்து நன்கு பிசைந்து கொள்ளவும். ஒரு பாத்திரத்தில் பிசைந்த உருளைக்கிழங்கு, வேகவைத்த பட்டாணி, நறுக்கிய வெங்காயம், சாட் மசாலா, சீரகத்தூள், கரம் மசாலா, மிளகாய்த்தூள் மற்றும் உப்பு சேர்த்து நன்றாகக் கலக்கவும். கடைசியாக, நறுக்கிய கொத்தமல்லி இலைகளைத் தூவி மசாலா தயார்.

பானி செய்முறை - தேவையான பொருட்கள்:

புதினா இலை - 1 கப்
கொத்தமல்லி இலை - 1/2 கப்
இஞ்சி - ஒரு சிறிய துண்டு
பச்சை மிளகாய் - 2-3
புளி - எலுமிச்சை அளவு
சீரகத்தூள் - 1 டீஸ்பூன்
சாட் மசாலா - 1 டீஸ்பூன்
கறுப்பு உப்பு - 1/2 டீஸ்பூன் (விருப்பப்பட்டால்)
வெல்லம் - 1 டீஸ்பூன் (விருப்பப்பட்டால்)
தண்ணீர் - 2-3 கப்
உப்பு - தேவையான அளவு

செய்முறை: ஒரு மிக்ஸி ஜாரில் புதினா, கொத்தமல்லி, இஞ்சி, பச்சை மிளகாய், மற்றும் புளியை சிறிது தண்ணீர் சேர்த்து மைய அரைத்துக் கொள்ளவும். அரைத்த விழுதை ஒரு வடிகட்டியால் வடிகட்டி, சாற்றை மட்டும் தனியே எடுக்கவும்.

வடிகட்டிய சாற்றுடன் தேவையான அளவு தண்ணீர் சேர்த்து, அதனுடன் சீரகத்தூள், சாட் மசாலா, கறுப்பு உப்பு, வெல்லம் மற்றும் உப்பு சேர்த்து நன்றாகக் கலக்கவும். பானியின் கார்ப்பு மற்றும் புளிப்புச் சுவைக்கு ஏற்ப தேவையான பொருட்களை சேர்த்துக் கொள்ளலாம். பானியை ஃபிரிட்ஜில் வைத்து சில்லென்று பரிமாறவும்.

ஒரு பூரியின் நடுவில் துளை போட்டு, உள்ளே சிறிதளவு மசாலா வைக்கவும். பின்பு, ஒரு கரண்டி பானி ஊற்றி, உடனே வாயில் போட்டுச் சாப்பிடவும். இந்த செய்முறையை பின்பற்றி வீட்டிலேயே சுவையான பானிபூரி செய்து மகிழுங்கள்.