காலை உணவுக்கு இந்த மாதிரி தோசை சுடுங்கள்... பிள்ளைகள் அடம்பிடிக்காமல் சாப்பிடுவார்கள்

காலை உணவு சாப்பிட அடம்பிடிக்கும் குழந்தைகளுக்கு, தினசரி ஒரே மாதிரியான உணவுகள் சலிப்பை ஏற்படுத்தலாம். இவர்களுக்கு புதிய சுவையைக் கொடுக்க, எப்போதும் போல் இல்லாமல், தோசையில் சிறிது மசாலா சேர்த்து செய்து கொடுக்கலாம். அப்போதான் சாப்பிட அடம் பிடிக்காமல் சாப்பிடுவார்கள். இதோ சுவையான மசாலா தோசை செய்வது எப்படி என்று பார்ப்போம். 

தேவையான பொருட்கள்:

தோசை மாவு - 2 கப்
வெங்காயம் (பொடியாக நறுக்கியது) - 1 பெரியது
உருளைக்கிழங்கு (வேகவைத்து மசித்தது) - 2 பெரியது
பச்சை மிளகாய் (நறுக்கியது) - 2 (காரத்திற்கு ஏற்ப)
இஞ்சி பூண்டு விழுது - 1 தேக்கரண்டி
கடுகு - 1/2 தேக்கரண்டி
சீரகம் - 1/2 தேக்கரண்டி
மஞ்சள் தூள் - 1/4 தேக்கரண்டி
கரம் மசாலா - 1/2 தேக்கரண்டி
மல்லித்தழை (நறுக்கியது) - சிறிது
எண்ணெய் - தேவையான அளவு
உப்பு - தேவையான அளவு

செய்முறை:

ஒரு கடாயில் எண்ணெய் ஊற்றி சூடாக்கவும். கடுகு, சீரகம் சேர்த்து பொரிய விடவும். பின்னர் வெங்காயம், பச்சை மிளகாய் மற்றும் இஞ்சி பூண்டு விழுது சேர்த்து வதக்கவும். வெங்காயம் பொன்னிறமானதும், மஞ்சள் தூள் மற்றும் கரம் மசாலா சேர்த்து ஒரு நிமிடம் வதக்கவும். இப்போது மசித்த உருளைக்கிழங்கு, உப்பு சேர்த்து நன்கு கிளறவும். மசாலா உருளைக்கிழங்குடன் நன்கு கலந்ததும், அடுப்பை அணைத்து மல்லித்தழை தூவி ஆறவிடவும்.  அடுத்தது தோசை சுடுவதற்கான பிராசஸ் ஸ்டார்ட் பண்ணலாம்.

தோசை கல்லை சூடாக்கி, தோசை மாவை மெல்லிய தோசையாக ஊற்றவும். தோசை ஒருபுறம் வெந்ததும், அதன் நடுவில் தயாரித்து வைத்த மசாலா கலவையை வைத்து மடித்து எடுக்கவும். சுவையான மற்றும் சத்தான மசாலா தோசை தயார். இது குழந்தைகளை மட்டுமல்ல, பெரியவர்களையும் கவர்ந்திழுக்கும். மேலும், இந்த தோசையை கெட்சப் அல்லது சாம்பாருடன் பரிமாறலாம். இந்த ரெசிபி மூலம், காலை உணவை சுவாரஸ்யமாக்கலாம். மேலும், தோசை சாப்பிடுவதற்கு அடம்பிடிக்கும் குழந்தைகளுக்கு இது ஒரு சிறந்த மாற்று உணவாக இருக்கும். இதை டீடைம் ஈவ்னிங் ஸ்நாக்ஸ் மாதிரியும் செய்து சாப்பிடலாம்.