பால்வாடி சத்துமாவு இருக்கா... அப்போ இந்த ஸ்நாக்ஸ் ட்ரை பண்ணுங்கள்!

சத்து மாவு பேன்கேக் ஒரு சுவையான மற்றும் ஆரோக்கியமான காலை உணவாகும். இது சிறியவர்கள் முதல் பெரியவர்கள் வரை அனைவரும் விரும்பி சாப்பிடும் ஒரு எளிமையான ரெசிபி. இந்த பேன்கேக், மாதுளை மற்றும் தேன் சேர்த்து பரிமாறப்படுவதால், இதன் சுவை மேலும் அதிகரிக்கிறது. மேலும், இது குறைந்த நேரத்தில் தயாரிக்கப்படுவதால், வேலைக்குச் செல்வோர் மற்றும் மாணவர்களுக்கு மிகவும் பயனுள்ளதாக இருக்கும். இதனை எப்படி செய்வது என்று ஷாராஸ்சேட்பாக்ஸ் யூடியூப் பக்கத்தில் செய்து காட்டியிருப்பது பற்றி பார்ப்போம்.

தேவையான பொருட்கள்:

சத்து மாவு
நாட்டுச்சக்கரை
உப்பு
பேக்கிங் சோடா
பால்
நெய்
மாதுளை 
தேன்

செய்முறை:

முதலில், ஒரு பெரிய பாத்திரத்தை எடுத்து அதில் சத்து மாவு, நாட்டுச்சக்கரை, உப்பு மற்றும் பேக்கிங் சோடாவை சேர்த்து நன்கு கலக்க வேண்டும். பிறகு, சிறிது சிறிதாக பாலை சேர்த்து, கட்டிகள் இல்லாமல் நன்கு கரைத்துக் கொள்ள வேண்டும். பேன்கேக் மாவு, தோசை மாவை விட சற்று கெட்டியாக இருக்க வேண்டும். அடுப்பில் ஒரு நான்-ஸ்டிக் பேனை வைத்து, அது சூடானதும், அதில் சிறிதளவு நெய் தடவவும். கலந்து வைத்த மாவை ஒரு கரண்டி எடுத்து, பேனில் சிறிய வட்டங்களாக ஊற்ற வேண்டும். 

பான்கேக்கின் ஓரங்கள் பொன்னிறமாக மாறியதும், அதை மறுபுறம் திருப்பிப் போட்டு, நன்கு வேகும் வரை சுட்டு எடுக்கவும். அனைத்து மாவு கலவையையும் இதேபோல பேன்கேக்குகளாக சுட்டு, ஒரு தட்டில் அடுக்கி வைக்கவும். இறுதியாக, சுட்டு வைத்த பேன்கேக்குகளின் மேல் மாதுளை முத்துக்களை தூவி, தேவையான அளவு தேன் ஊற்றி பரிமாறவும். இந்த சத்து மாவு பேன்கேக் காலை உணவாக மட்டுமல்லாமல், மாலை நேர சிற்றுண்டியாகவும் சாப்பிடலாம்.

இது உடலுக்குத் தேவையான ஊட்டச்சத்துக்களையும், சக்தியையும் வழங்குவதால், மிகவும் ஆரோக்கியமான ஒரு உணவு. பிள்ளைகளுக்கு சிறிதுநேரம் பசிக்கட்டும் எனவே நீங்கள் சமைக்க அதிக நேரம் எடுக்கும் நேரங்களில் இதை சட்டுன்னு செய்து கொடுத்துவிட்டு நீங்கள் சமைக்க சரியாக இருக்கும்.