அரிசியை காலையே ஊற வைக்கணும்; சாஃப்ட் இட்லிக்கு இதை மறக்காம செய்யுங்க!

தென்னிந்திய உணவுகளில் மிகுந்த பிரபலமும் பரவலான முக்கியத்துவமும் பெற்றதொரு உணவாக இட்லி இருக்கிறது. இதற்கு உதிரும் சாம்பார், தேங்காய் சட்னி மற்றும் கார சட்னி போன்றவை சிறப்பான சேருகைகளாக அமைகின்றன. குழந்தைகள் முதல் பெரியவர்கள் வரை அனைத்து வயதினராலும் விரும்பப்படும் உணவாகவும் இட்லி எண்ணப்படுகிறது.

கலோரிகள் மிகவும் குறைவாக காணப்படும் இந்த இட்லி அருமையான உணவை சாஃப்ட்டாக தயார் செய்ய பலரும் சிரமப் படுகிறார்கள். ஆனால், அவற்றை நாம் எளிதில் தயார் செய்து விடலாம். அப்படி பஞ்சு போன்ற சாஃப்ட் இட்லியை தயார் செய்ய உங்களுக்காவே செஃப் மணி தேடி சொல்லும் சில சிம்பிள் டிப்ஸ்களை இங்கு பார்க்கலாம். 

தேவையான பொருட்கள்: 

இட்லி அரிசி - 3 கப் 
உளுந்து - 1 கப் 
ஜவ்வரிசி - 1/4 கப் 
வெந்தயம் - 2 பின்ச் அளவு 
கல் உப்பு 

செய்முறை:

முதலில் ஒரு பாத்திரம் எடுத்து அதில் இட்லி அரிசியை போட்டு தண்ணீர் விட்டு நன்கு அலசிக் கொள்ளவும். இதேபோல், உளுந்தையும் நன்கு அலசிக் கொள்ளவும். வெந்தயம் மற்றும் ஜவ்வரிசிக்கு ஒரு அலசல் போதும். இவற்றை 6 மணி ஊற வைத்துக் கொள்ளவும். பிறகு, உளுந்தை முதலில் கிரைண்டரில் போட்டு அரைத்து எடுத்துக் கொள்ளவும். இதன் பிறகு, இட்லி அரிசி வெந்தயம் மற்றும் ஜவ்வரிசியை ஒன்றாக கிரைண்டரில் போட்டு அரைத்து எடுத்துக் கொள்ளவும்.  

இதன்பின்னர், வழக்கம் போல் இட்லிக்கு மாவு சேர்ப்பது போலவே, கையில் கல் உப்பு எடுத்து, அதனை மாவுடன் சேர்த்து உங்கள் கையால் நன்கு கலந்து விடவும். இவற்றை அப்படியே சுமார் 8 மணி நேரத்திற்கு புளிப்பு ஏற வைத்து விடவும்.  இப்போது, அந்த மாவை எடுத்து இட்லிகளை சுட்டால், சூடான மற்றும் பஞ்சு போன்ற சாஃப்ட் இட்லி ரெடி. இப்படி செய்தால் உங்கள் வீட்டில் குழந்தைகள் கூட இந்த இட்லியை விரும்பி சாப்பிடுவார்கள். 

இட்லி ஒரு குறைந்த கொழுப்புடைய மற்றும் எளிதில் செரிமானமாகும் உணவுப் பொருள். இது காலை உணவு அல்லது சிற்றுண்டியாகச் சாப்பிட ஏற்றது. இட்லியில், புரதம், நார்ச்சத்து மற்றும் வைட்டமின்கள் போன்ற சத்துக்கள் நிறைந்துள்ளன. இது உடல் எடையைக் குறைக்கவும், செரிமானத்தை மேம்படுத்தவும் உதவுகிறது. பெரியவர்கள் முதல் சிறியவர்கள் வரை, இதை அனைவரும் நன்றாக சாப்பிடலாம்.