வயிற்றுப் புண்ணை விரட்டும் இந்தக் கீரை: ஈஸி கடையல்

மணத்தக்காளி கீரை, உடலுக்கு மிகவும் ஆரோக்கியமான கீரை வகையாகும். இதில் வைட்டமின் ஏ, சி, இரும்புச்சத்து, மற்றும் கால்சியம் சத்துக்கள் நிறைந்துள்ளன. முக்கியமாக, வாய் மற்றும் வயிற்றுப் புண்களைக் குணப்படுத்தும் ஆற்றல் இந்தக் கீரைக்கு உண்டு. இந்தக் கீரையைப் பயன்படுத்தி சுவையான மணத்தக்காளி கீரை கடையல் எப்படிச் செய்வது என்று இந்தப் பதிவில் பார்ப்போம்.

தேவையான பொருட்கள்:

மணத்தக்காளி கீரை - 1 கட்டு, சின்ன வெங்காயம் - 10 (நறுக்கியது), தக்காளி - 1 (நறுக்கியது), பூண்டு - 5 பல், பச்சை மிளகாய் - 2 (அல்லது காரத்திற்கு ஏற்ப), துவரம் பருப்பு - கால் கப், மஞ்சள் தூள் - கால் டீஸ்பூன், புளி - ஒரு சிறிய நெல்லிக்காய் அளவு, உப்பு - தேவையான அளவு

தாளிப்பதற்கு: நல்லெண்ணெய் - 2 டேபிள்ஸ்பூன், கடுகு - அரை டீஸ்பூன், உளுத்தம் பருப்பு - அரை டீஸ்பூன், சீரகம் - அரை டீஸ்பூன், காய்ந்த மிளகாய் - 2, பெருங்காயத்தூள் - ஒரு சிட்டிகை

செய்முறை: முதலில் மணத்தக்காளி கீரையின் இலைகளை ஆய்ந்து, நன்றாக சுத்தம் செய்து தனியாக வைத்துக் கொள்ளவும். குக்கரில் சுத்தம் செய்த மணத்தக்காளி கீரை, துவரம் பருப்பு, சின்ன வெங்காயம், தக்காளி, பூண்டு, பச்சை மிளகாய், மஞ்சள் தூள், மற்றும் புளி ஆகியவற்றைச் சேர்க்கவும். இந்தக் கலவை மூழ்கும் அளவிற்குத் தண்ணீர் ஊற்றி, குக்கரை மூடி 2 முதல் 3 விசில் வரும் வரை வேகவிடவும். குக்கரில் உள்ள அழுத்தம் குறைந்ததும், மூடியைத் திறந்து தேவையான அளவு உப்பு சேர்த்து, மத்து அல்லது பிளெண்டர் கொண்டு நன்கு கடையவும். கீரை மசியும் வரை கடைவது முக்கியம்.

ஒரு தாளிக்கும் பாத்திரத்தில் நல்லெண்ணெய் ஊற்றி சூடாக்கவும். எண்ணெய் காய்ந்ததும் கடுகு, உளுத்தம் பருப்பு, சீரகம், காய்ந்த மிளகாய், மற்றும் பெருங்காயத்தூள் சேர்த்துத் தாளிக்கவும். தாளித்த பொருட்களைக் கடைந்த கீரை கலவையில் சேர்த்து நன்கு கலக்கவும். பின்னர் ஒரு நிமிடம் கொதிக்க விட்டு அடுப்பை அணைக்கவும். இப்போது, சுவையான மற்றும் சத்தான மணத்தக்காளி கீரை கடையல் தயார். இது சூடான சாதத்துடன் நெய் சேர்த்து சாப்பிட மிகவும் சுவையாக இருக்கும். இதை சாதத்துடன் மட்டும் அல்லாமல், சப்பாத்தி அல்லது இட்லி போன்ற உணவுகளுடனும் சேர்த்து சாப்பிடலாம். 

View this post on Instagram

A post shared by Sweet Bytes (@sweetbytes1)