இத சாப்பிட மைசூர் போக வேணாம்; இனி வீட்டிலேயே செய்யலாம்!

மசால் தோசை என்றாலே பலருக்கும் பிடித்தமான காலை உணவுகளில் ஒன்று. அதிலும், இந்த ஸ்பெஷலான மைசூர் மசாலா தோசை என்றால் யாருக்குத்தான் பிடிக்காது? இனி இதை சாப்பிட மைசூருக்கு போக வேண்டியதில்லை, உங்கள் வீட்டிலேயே சுலபமாக செய்யலாம்.  இந்த தோசை செய்ய முக்கியமான இரண்டு ஸ்டெப்ஸ் பற்றி சக்கரசாதமும் வடகறியும் யூடியூப் பக்கத்தில் செய்து காட்டியிருப்பது பற்றி பார்ப்போம். இந்த டிப்ஸ்களை ஃபாலே செய்தாலேபோதும் சுவையான ஒரு மைசூர் ஸ்டைல் கார மசால் தோசை தயார்.

தேவையான பொருட்கள்:
 
வெங்காயம்
தக்காளி
பூண்டு
சீரகம்
காஷ்மீரி ரெட் சில்லி
உப்பு
எண்ணெய்
கடுகு
உளுந்து
கடலைப்பருப்பு
பச்சை மிளகாய்
இஞ்சி
வெங்காயம்
கறிவேப்பிலை
பெருங்காயத்தூள்
மஞ்சள் தூள்
உருளைக்கிழங்கு
தோசை மாவு

செய்முறை:

ஒரு மிக்ஸி ஜாரில் வெங்காயம், தக்காளி, பூண்டு, சீரகம், காஷ்மீரி ரெட் சில்லி மற்றும் உப்பு சேர்த்து நன்றாக அரைத்துக் கொள்ளவும். ஒரு கடாயில் எண்ணெய் ஊற்றி, அரைத்த விழுதைச் சேர்த்து, மூடி போட்டு, மிதமான தீயில் பச்சை வாசனை போகும் வரை கொதிக்க விடவும்.

ஒரு கடாயில் எண்ணெய் ஊற்றி, கடுகு, உளுந்து, கடலைப்பருப்பு, சீரகம் சேர்த்து தாளிக்கவும். பின்னர் பச்சை மிளகாய், இஞ்சி, வெங்காயம், கறிவேப்பிலை சேர்த்து வதக்கவும். பெருங்காயத்தூள், உப்பு, மஞ்சள் தூள் சேர்த்து மேலும் வதக்கி, ஏற்கனவே பிரஷர் குக் செய்து மசித்த உருளைக்கிழங்கை இதனுடன் சேர்த்து நன்கு கலந்து விடவும்.

ஒரு தோசைக் கல்லை சூடாக்கி, தோசை மாவை ஊற்றி பரப்பவும். தோசை வெந்ததும், அதன் மேல் நாம் தயார் செய்து வைத்த சட்னியை தடவவும். பின்னர் உருளைக்கிழங்கு மசாலாவை வைத்து, பொடியாக நறுக்கிய வெங்காயத்தைத் தூவி பரிமாறவும். இந்த எளிய முறையில் வீட்டிலேயே சுவையான மைசூர் மசாலா தோசையை செய்து அசத்தலாம்.

இந்த தோசைக்கு செய்யும் மசாலாவையே சைடிஷ் ஆகவும் வைத்துக்கொள்ளலாம். மேலும் இந்த மாதிரி செய்து ஒரு தோசை சாப்பிட்டாலேபோதும் வயிறு நிறைந்துவிடும். அதனால் எப்போதும்போல் இல்லாமல் இந்த மாதிரி தோசை செய்து பாருங்கள். வீட்டில் இருக்கும் சிறியவர்கள் முதல் பெரியவர்கள் வரை அனைவருக்கும் மிகவும் பிடிக்கும்.