நைட் தூக்கம் வராம கஷ்டமா இருக்கா? இந்தக் காயில் ஜூஸ் குடிச்சுப் பாருங்க!

நல்ல உறக்கம் என்பது நம் ஆரோக்கியத்திற்கு இன்றியமையாதது. பரபரப்பான இந்த உலகில், பலருக்கும் தூக்கமின்மை ஒரு பெரிய பிரச்சனையாக உருவெடுத்துள்ளது. இதற்கு தீர்வாக, நம் பாரம்பரிய உணவு முறைகளில் பல எளிய வழிகள் உள்ளன. அப்படி ஒரு அற்புதமான தீர்வு தான் புடலங்காய் சாறு. இந்த சாறு, மனதை அமைதிப்படுத்தி, ஆழ்ந்த உறக்கத்தை ஊக்குவிக்கும் தன்மை கொண்டது. மேலும், இதை தயாரிப்பது மிகவும் எளிது. இதனை எப்படி செய்வது என்று ஐ.எம்.ஜிடி வியூ இன்ஸ்டா பக்கத்தில் செய்து காட்டியிருப்பது பற்றி பார்ப்போம்.

தேவையான பொருட்கள்:

புடலங்காய்: 100 கிராம் (இரண்டு துண்டுகள்)

செய்முறை:

புடலங்காய் துண்டுகளை எடுத்து, அதனுடன் உள்ள விதைகளையும் சேர்த்து நன்றாக அரைக்க வேண்டும். அதிலிருந்து கிடைக்கும் சாற்றை வடிகட்டி அப்படியே பருகலாம். இந்த சாற்றை தினமும் இரவில் படுப்பதற்கு முன் அருந்துவது நல்ல பலனைத் தரும்.

நன்மைகள்:

புடலங்காய் சாறு அருந்துவது ஆழ்ந்த மற்றும் அமைதியான உறக்கத்திற்கு உதவுகிறது. இது தூக்கமின்மைக்கு இயற்கையான தீர்வாக செயல்படுகிறது. மேலும், புடலங்காயில் உள்ள சத்துக்கள் உடல் ஆரோக்கியத்திற்கு நன்மை பயக்கின்றன. தொடர்ந்து புடலங்காய் சாறு அருந்துவது அல்லது புடலங்காயை உணவில் சேர்த்துக்கொள்வது, ஒருவரது தியாக குணத்தை அதிகரிக்கும் என்றும், மன அமைதியை மேம்படுத்தும் என்றும் பாரம்பரியமாக நம்பப்படுகிறது. ஒட்டுமொத்தமாக, இது உடல் மற்றும் மன ஆரோக்கியத்திற்கு ஒரு சிறந்த வரப்பிரசாதமாகும். இந்த எளிய முறையைப் பின்பற்றி, நல்ல உறக்கத்தையும் ஆரோக்கியமான வாழ்க்கையையும் பெறுங்கள்.

புடலங்காயில் நார்ச்சத்து மற்றும் நீர்ச்சத்து அதிகம் இருப்பதால், அது செரிமானத்தை மேம்படுத்துகிறது. மேலும், மலச்சிக்கல் போன்ற செரிமான பிரச்சனைகளைத் தீர்க்கவும் உதவுகிறது. இதில் கலோரிகள் மிகக் குறைவாகவும், நார்ச்சத்து அதிகமாகவும் இருப்பதால், இதை சாப்பிட்டால் வயிறு நிறைந்த உணர்வு கிடைக்கும். இது உடல் எடையைக் குறைக்க விரும்புவோருக்கு சிறந்த உணவாகும்.

புடலங்காயில் இரத்த சர்க்கரை அளவைக் கட்டுப்படுத்தும் பண்புகள் உள்ளன. இதில் உள்ள சத்துக்கள் இன்சுலின் உணர்திறனை மேம்படுத்தி, இரத்த குளுக்கோஸ் அளவை சமநிலையில் வைத்திருக்க உதவுகிறது. வைட்டமின் சி, வைட்டமின் ஏ மற்றும் பிற தாதுக்கள் புடலங்காயில் நிறைந்துள்ளன. இவை உடலின் நோயெதிர்ப்பு சக்தியை அதிகரித்து, நோய்த்தொற்றுகளிலிருந்து உடலைப் பாதுகாக்க உதவுகின்றன.