மினி போண்டா... ஒரு கப் அவல் போதும்; சிம்பிள் டிப்ஸ்!

எப்போதும் அரிசியை சாப்பிடும் நம்மில் பலர் ஒரு சில நாட்கள் சோம்பேறித்தனமாக இருக்கும்போது அவல் வாங்கி அதை தண்ணீரில் ஊற வைத்து கொஞ்சமாக தாளித்து 10 நிமிடத்தில் டிபன் செய்து சாப்பிடுவோம். அதுவும் சோம்பேறித்தனமாக இருக்கும் பட்சத்தில் பாலில் ஊற வைத்து சக்கரை சாப்பிட்டு சாப்பிடுவோம். ஆனால் அந்த 5 நிமிடத்தில் செய்யும் அவளில் எவ்வளவு நன்மைகள் இருக்கிறது தெரியுமா?

போஹா என்பது ஒரு லேசான  உணவாகும். அதனால் இது செரிமான செயல்முறையை எளிதாக்குகிறது. ஜீரணிக்க எளிதானது என்பதால், குடல் சார்ந்த வீக்கத்தை ஏற்படுத்தாது மற்றும் நீண்ட நேரம் பசி இல்லாமல் பார்த்துக்கொள்ளும் அதோடு அதிகப்படியான கொழுப்பை நீக்கி, அமிலத்தன்மையைத் தவிர்க்க உதவும்.

அவல் ஆரோக்கியமான கார்போஹைட்ரேட்டுகளின் நல்ல ஆதாரங்களில் ஒன்றாகும், இது உங்களை உற்சாகப்படுத்த உடலுக்குத் தேவைப்படுகிறது. இது பரிந்துரைக்கப்பட்ட கார்போஹைட்ரேட்டுகளில் சுமார் 76.9% மற்றும் கொழுப்புகளில் 23% நிறைந்துள்ளது. அதனால் உடலில் கொழுப்பு சேராமல் உங்களை சுறுசுறுப்பாக வைத்துக்கொள்ளும்.

மாலை நேரத்தில் ஏதாவது ஸ்நாக்ஸ் சாப்பிட வேண்டும் என்று நினைப்பவர்களுக்கு, ஒரு கப் அவல் இருந்தாலே போதும். அதை வைத்து சாஃப்டான போண்டாவை சிம்பிளாக செய்யலாம். அதன் ரெசிபியை இதில் காண்போம்.

தேவையான பொருட்கள்:

அவல்
தயிர்
தண்ணீர்
மைதா மாவு
உப்பு
சீரகம்
கொத்தமல்லி
கறிவேப்பிலை
இஞ்சி
வெங்காயம்
பேக்கிங் சோடா மற்றும்
எண்ணெய்

செய்முறை:

ஒரு கப் அவலை சுமார் மூன்று முறை நன்றாக கழுவி எடுத்துக் கொள்ள வேண்டும். இத்துடன் முக்கால் கப் தயிர் சேர்த்து நன்கு கலந்து, மிக்ஸியில் பசை பதத்திற்கு அரைக்க வேண்டும். இத்துடன் ஒரு கப் தண்ணீர், அதே கப் அளவிற்கு மைதா மாவு மற்றும் அரை டீஸ்பூன் உப்பு சேர்த்து கலக்கவும்.

இதையடுத்து, மீண்டும் அரை கப் அளவிற்கு மைதா மாவு சேர்த்து கைகளால் அழுத்தி பிசைய வேண்டும். இந்த மாவு 10 நிமிடங்களுக்கு ஊறிய பின்னர், ஒரு ஸ்பூன் சீரகம், சிறிது கொத்தமல்லி, கறிவேப்பிலை, துருவிய இஞ்சி, பொடியாக நறுக்கிய வெங்காயம் மற்றும் பச்சை மிளகாய் சேர்த்து கலக்க வேண்டும்.

இறுதியாக, அரை ஸ்பூன் பேக்கிங் சோடா கலந்து, கொஞ்ச, கொஞ்சமாக உருட்டி எண்ணெய்யில் பொந்நிறமாக பொறித்து எடுத்தால், சுவையான அவல் போண்டா தயாராகி விடும். இது சாஃப்டாக இருப்பதால் எல்லோருக்கும் பிடிக்கும்.

View this post on Instagram

A post shared by malini (@malinikichen)