எல்லா கொட்டையை விடவும் அதிக மருத்துவ சக்தி... இந்த சீசனில் அதிகம் கிடைக்கும்; இப்படி டிஷ் செஞ்சு பாருங்க!

பலாப்பழத்தைப் போலவே அதன் கொட்டைகளிலும் அரிய மருத்துவ குணங்கள் நிறைந்துள்ளன. பலரும் புறக்கணிக்கும் பலாக்கொட்டை, ஏராளமான சத்துக்களையும், உடல்நலப் பலன்களையும் தன்னகத்தே கொண்டுள்ளது. இந்தக் கொட்டைகளை வைத்து சுவையான 'பொடிமாஸ்' எப்படி செய்வது என்று தஞ்சைபுட்ஸ் இன்ஸ்டா பக்கத்தில் கூறியிருப்பது பற்றி பார்ப்போம். 

தேவையான பொருட்கள்:

பலாக்கொட்டைகள் - 1 கப் 
பெரிய வெங்காயம் - 1  
பச்சை மிளகாய் - 2  
இஞ்சி பூண்டு விழுது - 1 தேக்கரண்டி
கறிவேப்பிலை - சிறிதளவு
மஞ்சள் தூள் - 1/4 தேக்கரண்டி
மிளகாய் தூள் - 1/2 தேக்கரண்டி  
கரம் மசாலா - 1/4 தேக்கரண்டி  
உப்பு - தேவையான அளவு
எண்ணெய் - 2 மேசைக்கரண்டி
கடுகு - 1/2 தேக்கரண்டி
உளுத்தம் பருப்பு - 1/2 தேக்கரண்டி
கடலைப்பருப்பு - 1/2 தேக்கரண்டி
பெருங்காயத்தூள் - ஒரு சிட்டிகை
கொத்தமல்லி இலை  

செய்முறை:

பலாக்கொட்டைகளை நன்கு கழுவி, தோலை நீக்கிக் கொள்ளவும். பின்னர், பிரஷர் குக்கரில் தேவையான அளவு தண்ணீர் சேர்த்து, 2-3 விசில் வரும் வரை அல்லது பலாக்கொட்டைகள் மென்மையாகும் வரை வேகவைக்கவும்.

வெந்த பலாக்கொட்டைகளை தண்ணீரை வடித்து, ஆறவிடவும். ஆறியதும், அவற்றை கைகளால் நன்றாக மசித்து அல்லது மிக்சியில் ஒரு சுற்று விட்டு, உதிரியாக இருக்குமாறு செய்து கொள்ளவும். (அதிகமாக அரைக்க வேண்டாம்; உதிரியாக இருக்க வேண்டும்).

ஒரு கடாயில் எண்ணெய் விட்டு சூடாக்கவும். எண்ணெய் காய்ந்ததும் கடுகு, உளுத்தம் பருப்பு, கடலைப்பருப்பு மற்றும் பெருங்காயத்தூள் சேர்த்து தாளிக்கவும். கடுகு வெடித்ததும், கறிவேப்பிலை மற்றும் நறுக்கிய வெங்காயம் சேர்த்து பொன்னிறமாக வதக்கவும்.

வெங்காயம் வதங்கியதும், இஞ்சி பூண்டு விழுது மற்றும் பச்சை மிளகாய் சேர்த்து, பச்சை வாசனை போகும் வரை வதக்கவும். மஞ்சள் தூள், மிளகாய் தூள் மற்றும் கரம் மசாலா (சேர்ப்பதாக இருந்தால்) சேர்த்து ஒரு நிமிடம் வதக்கவும். மசாலாக்கள் கருகாமல் பார்த்துக் கொள்ளவும்.

மசித்த பலாக்கொட்டைகளை கடாயில் சேர்த்து, தேவையான அளவு உப்பு சேர்த்து நன்கு கிளறவும். மசாலாக்கள் பலாக்கொட்டையுடன் நன்கு கலக்கும் வரை 5-7 நிமிடங்கள் மிதமான தீயில் வதக்கவும்.
கலவை உதிரியாகவும், சற்று வதங்கியதும் அடுப்பை அணைக்கவும். இறுதியாக, நறுக்கிய கொத்தமல்லி இலைகளைத் தூவி சூடாகப் பரிமாறவும்.

பலாக்கொட்டைக்கு இளமையைத் திரும்பக் கொண்டுவரும் சக்தி இருப்பதாகக் கூறப்படுகிறது. பலாக்கொட்டையை முறையாகப் பயன்படுத்தும்போது, சருமத்தில் ஏற்படும் சுருக்கங்கள் நீங்கி, இளமையான தோற்றத்தைப் பெறலாம்.

பலாக்கொட்டையைத் தொடர்ந்து உணவில் சேர்த்துக் கொள்வதன் மூலம் கண் சார்ந்த பிரச்சனைகளைத் தடுக்கலாம். குறிப்பாக, கண்புரை (cataract) ஏற்படுவதைத் தடுப்பதற்கும், சர்க்கரை நோயாளிகளுக்குப் பொதுவாக ஏற்படும் மேக்குலர் டிஜெனரேஷன் (macular degeneration) என்னும் விழித்திரை சிதைவு நோய் வராமல் தடுப்பதற்கும் இது உதவுகிறது. 

View this post on Instagram

A post shared by Thanjai Foodrecipe (@thanjaifoodrecipe)