/indian-express-tamil/media/media_files/2025/01/12/nco1vAqEzyhMotKa129c.jpg)
நெய் மணம் வீச கமகமன்னு வெண்பொங்கல் எப்படி செய்வது என்று பார்ப்போம். அதுவும் காஞ்சிபுரம் ஸ்டைலில் செஃப் தீனா ஸ்டைலில் எப்படி செய்வது என்று அவர் தனது யூடியூப் பக்கத்தில் கூறியிருப்பது பற்றி பார்ப்போம். காலை உணவுக்கு இதை செய்யலாம் சுவையாக இருக்கும். சட்னி அல்லது சாம்பார் வைத்து சாப்பிட்டால் நன்றாக இருக்கும்.
தேவையான பொருட்கள்:
பச்சரிசி - 1 கிலோ
பாசிப்பயறு - அரை கிலோ
இஞ்சி - 25 கிராம்
மிளகு - 50 கிராம்
சீரகம் - 50 கிராம்
பெருங்காயத்தூள் - 1 ஸ்பூன்
முந்திரி - 50 கிராம்
நெய் - 150 மில்லி
கறிவேப்பிலை - தேவையான அளவு
கல் உப்பு - தேவையான அளவு
சமையல் எண்ணெய் - 200 மில்லி
செய்முறை:
முதலில், பயறு பாதி வேகும் வரை வேகவிட வேண்டும். இது பொங்கலுக்கு ஒரு முக்கியமான பக்குவம். பயறு பாதி வெந்ததும், ஊறவைத்த பச்சரிசியைச் சேர்க்க வேண்டும். அரிசி சேர்த்த பிறகு, அடுப்பின் தீயை மிதமான சூட்டில் வைத்து சமைக்க வேண்டும். அத்துடன், சிறிது உப்பு, சீரகம், மற்றும் கறிவேப்பிலை சேர்த்து, அரிசி 80% வெந்ததும் அடுப்பை அணைத்து, 10-15 நிமிடங்கள் மூடி வைக்க வேண்டும். இது பொங்கல் சரியான பக்குவத்தில் வர உதவும்.
தாளிப்புக்கு, முதலில் சமையல் எண்ணெயை மிதமான சூட்டில் சூடாக்க வேண்டும். எண்ணெய் காய்ந்ததும், மிளகைச் சேர்த்து பொரியவிட வேண்டும். மிளகு பொரிந்த பிறகு, முந்திரி, இஞ்சி, சீரகம், கறிவேப்பிலை மற்றும் பெருங்காயத்தூள் சேர்த்து உடனடியாக அடுப்பை அணைத்து, பொங்கலுடன் சேர்க்க வேண்டும். பச்சை நெய்யை கடைசியாக சேர்ப்பது பொங்கலின் நறுமணத்தை அதிகரிக்க உதவும்.
தண்ணீர் சரியான அளவில் வைப்பது மிக முக்கியம். தண்ணீர் அதிகமாகிவிட்டால் பொங்கலின் பக்குவம் மாறிவிடும். இந்த மிளகு நெய் வெண் பொங்கலுக்கு கிள்ளிப் போட்ட மிளகாய் சாம்பார் ஒரு சிறந்த காம்பினேஷன் ஆகும்.
பாசிப்பயறு முழுமையாக வேகாமல், பாதி வெந்த நிலையில் அரிசியைச் சேர்ப்பதால், பயறு மற்றும் அரிசி இரண்டும் ஒரு சேர குழைந்து, பொங்கலுக்கு தேவையான மென்மையான பக்குவம் கிடைக்கும். நீங்கள் பயறு முழுமையாக வெந்த பிறகு அரிசியைச் சேர்த்தால், பொங்கலில் பயறு தனித்தனியாகத் தெரிந்து, சரியான சுவையும் அமைப்பும் கிடைக்காது.
Stay updated with the latest news headlines and all the latest Lifestyle news. Download Indian Express Tamil App - Android or iOS.