Kitchen Tips: இன்னைக்கு தக்காளி சமைக்க போறீங்களா? இதை நோட் பண்ணுங்க!

தக்காளி வைட்டமின் சி, வைட்டமின் கே, இரும்பு, ஃபோலேட், பொட்டாசியம் மற்றும் பிற ஊட்டச்சத்துக்களின் சிறந்த மூலமாகும். மேலும் இது, புற்றுநோய் போன்ற உயிருக்கு ஆபத்தான நோய்களைத் தடுக்க உதவுகிறது. தக்காளியில் பொட்டாசியம் அதிகம் இருப்பதால், தினமும் தக்காளியை உணவில் சேர்த்துக் கொள்வது உயர் இரத்த அழுத்தத்தை குறைக்கும்.

தக்காளியில் இவ்வளவு நன்மைகள் இருந்தாலும், அதை சமைப்பதில் கவனம் செலுத்துவது மிகவும் முக்கியம். தக்காளி சமைக்கும் போது கண்டிப்பாக பின்றபற்ற வேண்டிய சில அத்தியாவசிய குறிப்புகள் இங்கே உள்ளன.

பார்ட்னர்ஸ்

நீங்கள் தக்காளியை எதனுடன் சமைக்கிறீர்கள் என்பதை அறிந்து கொள்ளுங்கள். தக்காளியில் உள்ள அதிக அமில உள்ளடக்கம், வேறு சில உணவுகளை சமைக்கும் செயல்முறையை தாமதப்படுத்துகிறது.

தக்காளியுடன் சேர்க்கப்படும் உலர்ந்த பீன்ஸ், தக்காளி சேர்க்காத பீன்ஸை விட சமைப்பதற்கு 20 சதவீதம் அதிகம் நேரம் எடுக்கும். உங்களிடம் வழக்கத்திற்கு மாறாக அதிக அமிலத்தன்மை கொண்ட தக்காளிகள் இருந்தால், மேலும் நீங்கள் இனிப்பு சாஸ் விரும்பினால், ரெசிபியில் சர்க்கரைக்கு பதிலாக இறுதியாக துருவிய கேரட்டை சேர்க்கவும். இது சர்க்கரைக்கு பதிலாக, இறுதி தயாரிப்பின் இயற்கையான இனிப்பை அதிகரிக்கும்.

எச்சரிக்கை

தக்காளி சமைக்கும் போது அலுமினியம் அல்லது வேறு எந்த மென்மையான உலோக பாத்திரங்களை பயன்படுத்த வேண்டாம். தக்காளியில் உள்ள அமிலத்தன்மை அதனுடன் ஒத்து போகாது.

அவை ஒரு இரசாயன எதிர்வினையை உருவாக்குகின்றன, இது சமைத்த தக்காளியை கசப்பாக மாற்றும் மற்றும் நிறத்தை மங்கச் செய்யும், மேலும் உணவு’ அலுமினியத்தில் சிலவற்றை உறிஞ்சிவிடும். தக்காளியில் உள்ள அமிலம்’ அலுமினிய சமையல் பாத்திரங்களை குழி மற்றும் நிறமாற்றம் செய்யலாம்.

எப்படி சேமிப்பது

தக்காளியை சுவாசிக்காத கண்டெய்னரில் வைக்க வேண்டாம். கூடைகளில் சேமிக்கலாம். மேலும் முன்கூட்டிய அழுகலைத் தடுக்க அவற்றின் தண்டு முனையை கீழே இருக்குமாறு வைக்கவும். தக்காளியை வெயிலில் வைக்கக் கூடாது. பச்சை தக்காளி மற்றும் பழுக்காத பழங்களை ஒரு காகித பையில் குளிர்ந்த, இருண்ட இடத்தில் வைக்கவும், இதனால் அவை சீக்கிரம் பழுக்கும். அவற்றை ஒருபோதும் பிரிட்ஜில் சேமிக்க வேண்டாம். இதனால், அவை மாவாகவும், சுவையற்றதாகவும் மாறும்.

தக்காளி தோல் உரிக்க

முதலில் தேவையான அளவு தக்காளி எடுத்து, அனைத்தையும் பாதியாக வெட்ட வேண்டும். பிறகு ஒரு சூடான கடாயில் சிறிது ஆலிவ் எண்ணெயை ஊற்றி, அதில் வெட்டிய பாகம் பாத்திரத்தில் படுமாறு வைத்து, மூடி வைத்து மூட வேண்டும். 5 நிமிடங்கள் கழித்து திறந்து பார்க்கும்போது, தக்காளியில் இருந்து தோல் லேசாக வெளியே வந்திருக்கும். உங்கள் இரு விரல்களைப் பயன்படுத்தி இந்த தோல்களை எளிதாக அகற்றலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“