மஞ்சள் உடன் சமையல் சோடாவை கலக்கக் கூடாது… ஏன் தெரியுமா?

சமையல் சோடா பொதுவாக கேக்குகள், மஃபின்கள் மற்றும் குக்கீஸ்கள் மற்றும் மற்ற வேகவைத்த பொருட்களுடன் சேர்த்து தயாரிக்கப் பயன்படுகிறது. மஞ்சள், நாம் சாப்பிடும் எல்லாவற்றிலும் பயன்படுத்தப்படுகிறது. இரண்டு பொருட்களிலும் நிறைய ஆரோக்கிய நன்மைகள் இருப்பதாகக் கூறப்படுகிறது. இருப்பினும், அவைகளின் தனிப்பட்ட நன்மைகள் இருந்தபோதிலும், அவைகளை இணைந்தால் ஒரு சிறந்த அணியை உருவாக்க முடியாது. எப்படி (ஏன்) என்று யோசிக்கிறீர்களா? இதைப் பற்றி நாங்கள் உங்களுக்கு கூறுகிறோம். ஆனால், அதற்கு முன் சமையல் சோடா பற்றி மேலும் தெரிந்து கொள்வோம்.

சமையல் சோடா பல வேலைகளில் பயன்படுத்தப்படும் ஒரு மூலப்பொருள் ஆகும். இது சமையல் மற்றும் சுத்தம் செய்வதில் பல்வேறு நோக்கங்களுக்காக பயன்படுத்தப்படலாம். சமையலில், இது சமையல் ரெசிபிகளில் மாவை புளிக்க வைப்பதற்காகவும் இறைச்சிக்கான டெண்டரைசராகவும், பழங்கள் மற்றும் காய்கறிகளை சுத்தம் செய்வதற்காகவும் நெஞ்செரிச்சல் அல்லது அஜீரணத்திற்கு இயற்கையான தீர்வாகவும் பயன்படுத்தப்படுகிறது. சுத்தம் செய்வதில், கறைகளை அகற்றவும், வாசனை நீக்கவும், பல்வேறு மேற்பரப்புகளை சுத்தம் செய்யவும் இது பயன்படுத்தப்படுகிறது. பெரும்பாலான மக்களால் சிறிய அளவில் பயன்படுத்தப்படுவது பொதுவாக பாதுகாப்பானது. இருப்பினும், அதிகப்படியான நுகர்வு வயிற்று வலி, எலக்ட்ரோலைட் சமநிலையின்மை மற்றும் வளர்சிதை மாற்ற அல்கலோசிஸ் போன்ற பக்க விளைவுகளை ஏற்படுத்தும். குறிப்பாக உயர் இரத்த அழுத்தம், இதய நோய் அல்லது சிறுநீரகப் பிரச்சனைகள் போன்ற உடல்நலக் குறைபாடுகள் உள்ளவர்களுக்கு பிரச்னையை ஏற்படுத்தும். ஒரு சுகாதார நிபுணரின் வழிகாட்டுதலின் கீழ், மிதமான அளவில் இதை உட்கொள்ள பரிந்துரைக்கப்படுகிறது” என்று ஃபிரட்டர்னிட்டி ஃபூட்ஸ் பிரைவேட் லிமிடேட் நிறுவனத்தின் தலைமை சமையல் கலைஞர் ஈஷன் கவுல் கூறினார்.

இது குறித்து, கான்ராட் புனேவின் சமையல் இயக்குனர் அனிர்பன் தாஸ்குப்தா கூறுகையில், “சமையல் சோடா சமையலில் பல பயனுள்ள பயன்பாடுகளைக் கொண்டுள்ளது, அதாவது மாவை மிருதுவாக மாற்றுவது, ரொட்டிகளை புளிக்க வைப்பது மற்றும் பீன்ஸ் மென்மையாக்குவது போன்றவை. சரியான அளவுகளில் எடுத்துக் கொள்ளும்போது, நெஞ்செரிச்சல் மற்றும் அமில ரிஃப்ளக்ஸ் நிவாரணத்திற்கு உதவுகிறது. தோல் எரிச்சல் மற்றும் வெயிலைப் போக்கக்கூடிய இனிமையான பண்புகளும் இதில் உள்ளன.” என்று கூறினார்.

இப்போது, இரண்டு பொருட்களையும் ஒன்றாகப் பயன்படுத்துவதற்கு வருவோம். சமையல் கலைஞர் ரன்வீர் ப்ரார் சமீபத்தில் இன்ஸ்டாகிராமில் சமையல் குறிப்பு ஒன்றைப் பகிர்ந்து கொண்டார். ஒரு வீடியோவில், ஒருவர் சமையல் சோடாவைக் கொண்ட ஒரு வடை தயாரிக்கும் போதெல்லாம், அதில் ஹல்டி சேர்க்கக்கூடாது என்று கூறினார்.

ஏன் மஞ்சள் சேர்க்கக் கூடாது? என்றால், “நீங்கள் மாவை மஞ்சள் நிறமாக்க விரும்பினால், சமையல் சோடாவுடன் மஞ்சள் கலந்தால் சிவப்பு நிறமாக மாறும் என்பதால், சமையல் சோடாவுடன் மஞ்சளை சேர்க்க வேண்டாம்” என்று அவர் வீடியோவில் கூறினார்.

இதை ஒப்புக்கொண்ட கவுல் மேலும் கூறினார்: “சமையல் சோடாவை மஞ்சள் உடன் கலக்கக்கூடாது, ஏனெனில், இது ஒரு இரசாயன எதிர்வினையை விளைவிக்கும். இதனால் கலவை பழுப்பு நிறமாகி, துர்நாற்றத்தை வெளியிடுகிறது. உண்மையில், எலுமிச்சை சாறு, வினிகர் அல்லது மோர் போன்ற அமிலப் பொருட்களுடன் சமையல் சோடாவைக் கலப்பதைத் தவிர்க்க பரிந்துரைக்கப்படுகிறது. ஏனெனில், இது ஒரு எதிர்வினையை ஏற்படுத்தும். இறுதியில் சமைத்த உணவின் சுவையை பாதிக்கும். எப்பொழுதும் செய்முறை அல்லது வழிமுறைகளைப் பின்பற்றி, வழிமுறைகளின்படி பொருட்களைப் பயன்படுத்துங்கள்.” என்று கூறினார்.

இதேபோல், தாஸ்குப்தா கூறுகையில், “சமையல் சோடாவை மஞ்சளுடன் இணைக்கும்போது, அதன் விளைவாக வரும் கலவை சிவப்பு நிறமாக மாறும். இது சமையல் சோடாவின் காரத்தன்மை காரணமாக மாறுகிறது. இது மஞ்சள் பேஸ்ட்டை இரசாயன எதிர்வினைக்கு உட்படுத்துகிறது மற்றும் அதன் நிறத்தை மாற்றுகிறது.” என்று கூறினார்.

சமையல் சோடாவைப் பயன்படுத்தி சில சமையல் ஹேக்குகள் இங்கே:

• பஞ்சுபோன்ற ஆம்லெட்டுகள் அல்லது துருவல் முட்டைகளை தயாரிக்கப் பயன்படுத்தப்படும் ஒவ்வொரு 3 முட்டைகளுக்கும் ½ தேக்கரண்டி சமையல் சோடாவைச் சேர்க்கவும்.

விளம்பரம்

*அசிடிட்டியை குறைக்க உங்கள் தக்காளி சார்ந்த உணவுகளில் ஒரு சிட்டிகை சமையல் சோடாவை வைக்கவும்.

*கோழி இறைச்சியை மிருதுவாக மாற்றுவதற்கான ரகசியம் சமையல் சோடாவை சேர்ப்பதாகும்.

‘சமையல் சோடா சுத்தம் செய்வதற்கும், தோல் பராமரிப்புக்கும் பயன்படுகிறது.

கவுல் சில குறிப்புகளையும் பகிர்ந்து கொண்டார்:

• செய்முறை அல்லது அறிவுறுத்தலில் உள்ளபடி சரியான அளவைப் பயன்படுத்தவும்.
• சமையல் சோடாவை அதிகமாக உட்கொள்ள வேண்டாம், ஏனெனில் இது ஆரோக்கியத்திற்கு பாதகமான விளைவுகளை ஏற்படுத்தும்.

-சமையல் சோடாவை ஈரப்பதம் மற்றும் நேரடி சூரிய ஒளியில் இருந்து குளிர்ந்த, உலர்ந்த இடத்தில் சேமிக்கவும்.

• சமையல் பவுடருக்கு மாற்றாக பேக்கிங் சோடாவைப் பயன்படுத்த வேண்டாம். ஏனெனில், அவை வெவ்வேறு பண்புகளைக் கொண்டுள்ளன.
• பேக்கிங் சோடாவை அதிகமாக உட்கொள்வது, கேக்குகள், மஃபின்கள், தேன் போன்ற வேகவைத்த பொருட்களின் கசப்பான சுவையை ஏற்படுத்தும்.

சமையல் சோடாவுடன் கூடிய கலவை அல்லது மாவு நீண்ட நேரம் அப்படியே வைக்கப்படாமல் பார்த்துக் கொள்ளுங்கள், அது வேகவைக்கப்படாவிட்டால் அல்லது குறிப்பிட்ட சமையல் செயல்முறையில் உடனடியாக வைக்கப்படாவிட்டால் அதன் செயல்திறனை இழக்கும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“