கோயில் ஸ்டைலில் வீட்டிலே... சுவையான புளியோதரை செய்யலாம்

கோயில் ஸ்டைலில், வீட்டிலேயே சுவையான புளியோதரை செய்வது எப்படி என்பதைப் பார்ப்போம். வெளியூருக்கு செல்லும்போது கூட இதை கட்டுச்சோறாக கட்டிச் செல்லலாம். சுவையாக இருக்கும். அசல் கோயில் பாணியில் சுவையான புளியோதரை செய்வதற்கான ஒரு எளிய செய்முறை. இந்த செய்முறையில் சேர்க்கப்படும் மசாலாக்கள் மற்றும் தாளிப்பின் ரகசியங்கள், உங்கள் புளியோதரைக்கு ஒரு தனித்துவமான சுவையை அளிக்கும். இதனை  எப்படி செய்வது என்று பார்ப்போம்.

தேவையான பொருட்கள்:

புதிய பச்சரிசி - 2 கப்
புளி - எலுமிச்சை அளவு
நல்லெண்ணெய் - 1/4 கப்
வேர்க்கடலை - 1/4 கப்
கடலைப்பருப்பு - 2 டேபிள்ஸ்பூன்
கடுகு - 1 டீஸ்பூன்
உளுத்தம்பருப்பு - 1 டீஸ்பூன்
காய்ந்த மிளகாய் - 5 முதல் 6 (உங்கள் காரத்திற்கு ஏற்ப)
மஞ்சள் தூள் - 1/2 டீஸ்பூன்
பெருங்காயத் தூள் - 1/4 டீஸ்பூன்
கறிவேப்பிலை - சிறிதளவு
உப்பு - தேவையான அளவு

செய்முறை:

முதலில் புளியை வெதுவெதுப்பான நீரில் 30 நிமிடம் ஊறவைத்து, கெட்டியான புளிக்கரைசலை எடுத்துக்கொள்ளவும். ஒரு அடிகனமான கடாயில் நல்லெண்ணெய் ஊற்றி, கடுகு, உளுத்தம்பருப்பு, கடலைப்பருப்பு, வேர்க்கடலை, காய்ந்த மிளகாய், கறிவேப்பிலை, பெருங்காயத்தூள் ஆகியவற்றைச் சேர்த்து, பருப்பு பொன்னிறமாகும் வரை வறுக்கவும்.

அடுத்து, மஞ்சள் தூள் சேர்த்து, தீயை குறைக்கவும். பிறகு, கெட்டியான புளிக்கரைசலை ஊற்றி, உப்பு சேர்த்து, நன்கு கொதிக்கவிடவும். புளி வாசனை போய், எண்ணெய் மேலே மிதந்து வரும் வரை, மிதமான தீயில் கொதிக்க விடவும். இதுதான் புளியோதரை பேஸ்ட்.

முதலில் பச்சரிசியை உதிரியாக சமைத்து, அதை ஒரு அகலமான பாத்திரத்தில் பரப்பி, ஆறவிடவும். பிறகு, தயார் செய்த புளியோதரை பசையை, சமைத்த சாதத்தில் கொஞ்சம் கொஞ்சமாக சேர்த்து, மெதுவாக கலக்கவும். சாதம் உடையாமல் கவனமாக கலக்க வேண்டும். சாதம் முழுவதுமாக புளிக்கரைசலில் கலந்த பிறகு, மேலும் சிறிது நல்லெண்ணெய் சேர்த்து கலந்தால், புளியோதரை இன்னும் சுவையாக இருக்கும். இப்போது, கோயில் பிரசாதம் போன்ற சுவையான புளியோதரை தயார்.