அதீத பசி உணர்வை கட்டுப்படுத்தும்... வெண்டை பொரியலுக்கு சிம்பிள் டிப்ஸ்!

வெண்டைக்காய் என்பது நமது உணவில் தினசரி பயன்படுத்தப்படும் ஒரு முக்கியமான காய்கறி. இதில் பலவிதமான வைட்டமின்கள் மற்றும் கனிமங்கள் நிறைந்துள்ளன. இதைச் சமைத்து சாப்பிடுவதால் உடல் ஆரோக்கியத்திற்கு பல நன்மைகள் கிடைக்கும்.

இதில் அதிக நார்ச்சத்து இருப்பதால், செரிமான மண்டலத்தின் ஆரோக்கியத்திற்கு உதவுகிறது மற்றும் மலச்சிக்கலைத் தடுக்கிறது. வைட்டமின் ஏ மற்றும் பீட்டா கரோட்டின் நிறைந்திருப்பதால், இது கண்பார்வையை மேம்படுத்துகிறது. வைட்டமின் சி அதிகம் உள்ளதால், இது உடலின் நோய் எதிர்ப்பு சக்தியை அதிகரிக்கிறது. அதுமட்டுமின்றி இது அதீத பசி உணர்வையும் கட்டுப்படுத்தும். இவ்வளவு நன்மைகள் கொண்ட வெண்டைக்காய் பொறியல் எப்படி செய்வது என்று யாஸ்ரெசிபி இன்ஸ்டா பக்கத்தில் கூறியிருப்பது பற்றி பார்ப்போம். 

தேவையான பொருட்கள்:

வெண்டைக்காய்
எண்ணெய்
கறிவேப்பிலை
உப்பு (தேவையான அளவு)
வேர்க்கடலை - 4 தேக்கரண்டி (வறுத்த)
எள் - 1 தேக்கரண்டி
சீரகம் - அரை தேக்கரண்டி
சோம்பு - அரை தேக்கரண்டி
மஞ்சள் தூள் - அரை தேக்கரண்டி
மல்லித்தூள் - 1 தேக்கரண்டி
மிளகாய் தூள் - 1 தேக்கரண்டி
பூண்டு - 4 பற்கள்

செய்முறை:

ஒரு கடாயில் இரண்டு தேக்கரண்டி எண்ணெய் ஊற்றி, கறிவேப்பிலை மற்றும் நறுக்கிய வெண்டைக்காயைச் சேர்த்து வதக்க வேண்டும். பிறகு, கடாயை மூடி, வெண்டைக்காயின் பிசுபிசுப்புத் தன்மை நீங்கும் வரை சுமார் ஐந்து நிமிடங்கள் வேக விடவும்.

இதற்கிடையில், பொடி தயாரிக்க தேவையான அனைத்து பொருட்களையும் (வேர்க்கடலை, எள், சீரகம், சோம்பு, மஞ்சள் தூள், மல்லித்தூள், மிளகாய் தூள், பூண்டு) ஒரு மிக்ஸியில் சேர்த்து, கொரகொரப்பாக அரைத்துக்கொள்ள வேண்டும்.

View this post on Instagram

A post shared by Yaz Recipes (@yazrecipes)

இறுதியாக, அரைத்த பொடியையும், தேவையான அளவு உப்பையும் வேகவைத்த வெண்டைக்காயுடன் சேர்த்து நன்கு பிரட்டி, இரண்டு முதல் மூன்று நிமிடங்கள் வதக்கினால் சுவையான வெண்டைக்காய் பொரியல் தயார். இந்த வெண்டைக்காய் பொறியலை சாதத்தோடு சேர்த்து பிள்ளைகளுக்கு லஞ்ச் பாக்ஸ்க்கு கிளறி கொடுக்கலாம்.  பிள்ளைகளுக்கு கொஞ்சம் காரம் குறைவாக சேர்த்து கொடுக்கலாம்.