லஞ்ச் ரெசிபி: தாறுமாறு தக்காளி சோறு... இப்படி செஞ்சா ரொம்ப ஈஸி!

மதிய உணவு என்ன செய்வது என்று யோசித்துக் கொண்டிருக்கிறீர்களா? வழக்கமான சமையலில் இருந்து ஒரு மாற்றம் வேண்டுமா? அப்படியானால், இந்த தாறுமாறு தக்காளி சோறு ரெசிபி உங்களுக்கு சரியான தேர்வாக இருக்கும். இது சுலபமாகவும், சுவையாகவும், விரைவாகவும் செய்யக்கூடிய ஒரு உணவு. விடுமுறை நாட்களில் அல்லது அவசரமான நேரங்களில் சமைக்க இது மிகவும் உதவியாக இருக்கும். இதனை எப்படி செய்வது என்று ட்ரடிஷனலி மாடர்ன் ஃபுட் இன்ஸ்டா பக்கத்தில் கூறியிருப்பது பற்றி பார்ப்போம்.

தேவையான பொருட்கள்:

எண்ணெய் - 2 டேபிள் ஸ்பூன்
பிரிஞ்சி இலை
பட்டை
ஏலக்காய்
கிராம்பு
கல்பாசி
வெங்காயம் - 2 கப்
தக்காளி - 2
காஷ்மீரி மிளகாய் தூள்
தனியா தூள்
கரம் மசாலா
பிரியாணி மசாலா 
தயிர் - 2 டேபிள் ஸ்பூன்
உப்பு - 0.5 டேபிள் ஸ்பூன்
புதினா, கொத்தமல்லி
இஞ்சி பூண்டு விழுது - 1 டீஸ்பூன்
பச்சை மிளகாய் - 4
அரிசி - 1 கப் 
தேங்காய் பால் 
தண்ணீர்  
நெய் 

செய்முறை:

முதலில், ஒரு பாத்திரத்தில் அரிசி, தேங்காய் பால் மற்றும் தண்ணீர் தவிர மற்ற அனைத்து பொருட்களையும் ஒன்றாகச் சேர்க்கவும். வெங்காயம் மற்றும் தக்காளி துண்டுகளை கையால் நன்றாகப் பிசைந்து, மசாலாப் பொருட்களுடன் கலக்கவும். தக்காளி சிறிதளவு மசியும் வரை நன்கு பிசையவும். இதுவே இந்த செய்முறையின் முக்கியப் படியாகும்.

ஊற வைத்த அரிசியை இந்தக் கலவையில் சேர்த்து மெதுவாகக் கலக்கவும். பிறகு, தேங்காய் பால் மற்றும் தண்ணீரை சேர்த்து, அனைத்தையும் ஒரு குக்கரில் மாற்றவும். குக்கரை மூடி, மிதமான சூட்டில் இரண்டு விசில் வரும் வரை சமைக்கவும்.

View this post on Instagram

A post shared by Vidya Srinivasan (@traditionallymodernfood)

பிரஷர் அடங்கியதும், குக்கரைத் திறந்து, மேலே தாராளமாக நெய் மற்றும் கொத்தமல்லி இலைகளைத் தூவி, மெதுவாகக் கலக்கவும். இந்த முறையில், தக்காளி மற்றும் வெங்காயம் வதக்கப்படாமல், நேரடியாக மசாலாவுடன் பிசைந்து சமைக்கப்படுவதால், அதிக நேரம் மிச்சமாகிறது.  இதனுடன் ரைத்தா, சிப்ஸ் போன்றவற்றை சேர்த்து தொட்டுக்கொள்ளலாம்.