மாதம்பட்டி ரங்கராஜ் ஸ்டைல் ரச சாதம்... அதுவும் குக்கரில்: இப்படி ரெடி பண்ணுங்க!

ரசத்தில் நாம் மிளகு சேர்ப்பதால், அவை இருமல், தலை சுற்றல் போன்ற பாக்டீரியாவால் ஏற்படும் பிரச்சனைகளுக்கு தீர்வு காண்கின்றது. அதோடு சுவாசப் பிரச்சினைகளுக்கு இவை ஒரு சிறந்த மூலிகை மருந்தாக செயல்படுகிறது.

நம்முடைய அன்றாட உணவுகளுடன் ரசம் சேர்ப்பது மிகவும் நன்மை பயக்கும் என உணவியல் நிபுணர்கள் கூறுகிறார்கள். இந்த அற்புத ரசம் உடலில் நோய் எதிர்ப்பு சக்தியை அதிகரிக்கவும், ஜுரம், சளி, கபம் போன்ற பிணிகளை அண்ட விடாமல் விரட்டி அடிக்கவும் உதவுகிறது.

இப்படி ஏராளமான பயன்களை கொண்டுள்ள ரசம் வைத்து எப்படி மாதம்பட்டி ரங்கராஜ் ஸ்டைலில் ரசம் சாதம் தயார் செய்வது என்று இங்குப் பார்க்கலாம்.

தேவையான பொருட்கள்: 

அரிசி
துவரம் பருப்பு 
தண்ணிர்
தக்காளி  
மஞ்சள் பொடி 
உப்பு
புளி தண்ணீர்
ரசப் பொடி 
எண்ணெய் 
கருவேப்பிலை 
கடுகு
கொத்தமல்லி  

செய்முறை : 

ஒரு பாத்திரத்தில் அரிசி மற்றும் துவரம் பருப்பை கழுவி ஊற வைக்கவும். 

பின்னர் ஒரு குக்கரில் எண்ணெய் ஊற்றி காய்ந்ததும் கடுகு, கறிவேப்பிலை, காய்ந்த மிளகாய், ரசப்பொடி, தக்காளி சேர்த்து வதக்கவும். பின்னர் தண்ணீர் தேவையான அளவும் மற்றும் புளி கரைசல் சேர்த்து உப்பு போட்டு சிறிது நேரம் மூடி வைக்கவும். 

Madhampatty Rangaraj Rasam Sadam Recipes

பின்னர் அதில் ஊறவைத்த அரிசி சேர்த்து தேவையான விசில் விட்டு இறக்கவும். சாதம் குழைய இருக்க வேண்டும். விசில் விட்டு இறக்கி சிறிது நேரம் கழித்து மேலே கொத்தமல்லி இலைகளை சேர்த்து சாப்பிட ஆரம்பிக்கலாம். 

ரசத்தை நன்கு மிக்ஸ் செய்து பரிமாறினால் மாதம்பட்டி ரங்கராஜ் ஸ்டைல் ரசம் சாதம் தயார். நீங்களும் ஒரு முறை ட்ரை பண்ணுங்க மக்களே!!!

இந்த தகவல்கள் மூ ரெஸிபி என்ற யூடியூப் பக்கத்தில் இருந்து பெறப்பட்டது. அந்த வீடியோ பதிவில் மாதம்பட்டி ரங்கராஜ் இந்த ரசம் சாதம் உணவு செய்முறையை செய்து காட்டி இருப்பார்.