வீக் எண்ட் ரெசிபி: மணக்க மணக்க மணப்பட்டி சிக்கன்... இப்படி செய்து குடுங்க; இன்னும் இருக்கான்னு கேட்பாங்க!

அசைவ உணவு பிரியர்கள் நிறைய பேருக்கு சிக்கன் மிகவும் பிடித்தமானதாக இருக்கும். அந்த வகையில், காரசாரமான மணப்பட்டி சிக்கன் சுக்கா செய்முறை குறித்து இப்பதிவில் காணலாம்.

தேவையான பொருட்கள்:

சிக்கன் - 1 கிலோ,
பூண்டு - 50 கிராம்,
சீரகத்தூள் - 50 கிராம்,
கறிவேப்பிலை - 1 கொத்து,
மஞ்சள்தூள் - 1/2 ஸ்பூன்,
நல்லெண்ணெய் - 150 மில்லி,
முந்திரிப் பருப்பு - 100 கிராம்,
உப்பு - தேவையான அளவு,
இஞ்சி விழுது - 10-15 கிராம் மற்றும்
வர மிளகாய் - 2

செய்முறை:

அடுப்பில் கடாய் வைத்து, அதில் நறுக்கி வைத்திருக்கும் 1 கிலோ சிக்கனை சேர்த்து நன்கு கிளறி வேண்டும். இப்போது, சிக்கனில் இருந்து வெளியாகும் தண்ணீரை வடிகட்டி எடுக்க வேண்டும். சிக்கன் சிறிது நிறம் மாறியதும், 150 மில்லி நல்லெண்ணெய் சேர்த்து கிளற வேண்டும்.

பிறகு, 1/2 ஸ்பூன் மஞ்சள்தூள், 2 வரமிளகாய், 50 கிராம் மிளகாய்த்தூள் சேர்த்து கலக்க வேண்டும். இதையடுத்து, 15 கிராம் இஞ்சி விழுது, தேவையான அளவு உப்பு சேர்த்து நன்கு வதக்க வேண்டும். அனைத்து மசாலா பொருட்களும் சிக்கனுடன் கலந்ததும், 50 கிராம் சீரகத்தூள் சேர்த்து நன்கு கிளறி வேண்டும்.

இறுதியாக, 1 கொத்து கறிவேப்பிலை, இடித்து வைத்த பூண்டு மற்றும் 100 கிராம் முந்திரிப் பருப்பு சேர்த்து நன்கு கிளறி விடவும். சிக்கன் பொன்னிறமாக மாறியதும் அடுப்பை அணைத்து விடலாம். இவ்வாறு செய்தால் சுவையான மணப்பட்டி சிக்கன் சுக்கா தயாராகி விடும்.