/indian-express-tamil/media/media_files/2025/04/22/7UGBSZmb6tOM7nvHzK5r.jpg)
கோடை விடுமுறை விட்டாச்சு இனி பிள்ளைகள் எதாவது ஸ்நாக்ஸ் செய்து கொடுக்க சொல்லி கேட்க ஆரம்பித்து விடுவார்கள். தினமும் ஒரு ஸ்நாக்ஸ் செய்து கொடுக்க வேண்டிய நேரம் வந்து விட்டது. அதனால் இனி விதவிதமான ஸ்நாக்ஸ் செய்ய கற்றுக்கொள்ளுங்கள்.
அதுவும் பிள்ளைகளுக்கு ஹெல்தியாகவும் கடைகளில் கிடைப்பது போன்றும் செய்து கொடுக்க கற்றுக்கொள்ளுங்கள். கேக், முறுக்கு, ஜூஸ், பர்பி என பலவகையான் ஸ்நாக்ஸ் வகைகள் உள்ளது. அதை எல்லாம் செய்வதை விட பிள்ளைகளுக்கு பிடித்த மாதிரி செய்வது தான் டாஸ்க்.
அப்படி பிள்ளைகளின் கோடை விடுமுறையை சுவாரசியமாக மாற்றும் ஒரு ஸ்நாக்ஸ் ரெசிபி அதுவும் மாம்பழத்தை வைத்து எப்படி செய்வது என்று பார்ப்போம். மாம்பழம் பர்ஃபி எப்படி செய்வது என்று ஹோம் குக்கிங் தமிழ் யூடியூப் பக்கத்தில் செய்து காட்டியிருப்பது பற்றி பார்ப்போம்.
தேவையான பொருட்கள்
மாம்பழம் - 2
நெய் - 1 மேசைக்கரண்டி
துருவிய தேங்காய் - 1 கப்
காய்ச்சி ஆறவைத்த பால் - 1 கப்
இனிப்பில்லாத கோவா - 1 கப்
சர்க்கரை - 3/4 கப்
ஏலக்காய் தூள் - 1/2 தேக்கரண்டி
பால் பவுடர் - 3/4 கப்
நெய் - 2 தேக்கரண்டி
சில்வர் பாயில்
செய்முறை
மாம்பழங்களை தோலுரித்து சிறிய துண்டுகளாக நறுக்கவும். அவற்றை மிக்ஸி ஜாடியில் சேர்த்து நன்றாக அரைத்து வைக்கவும். ஒரு பாத்திரத்தில் நெய்யை எடுத்து துருவிய தேங்காயை சேர்த்து 2-3 நிமிடங்கள் வறுக்கவும்.
வேகவைத்த முழு கொழுப்புள்ள பால் துருவிய கோவாவை சேர்க்கவும். மிதமான தீயில் வைத்து சுமார் 2 நிமிடங்கள் தொடர்ந்து சமைக்கவும். பின்னர் சர்க்கரையை சேர்த்து நன்கு கலக்கவும்.
சர்க்கரை முழுவதுமாக கரைந்த பிறகு, ஏலக்காய் தூளை சேர்த்து நன்கு கலக்கவும். இந்தக் கலவையில், 1 கப் மாம்பழ விழுதை சேர்த்து கலக்கவும். 2-3 நிமிடங்களுக்கு பிறகு, பால் பவுடரை சேர்த்து நன்கு கலக்கவும்.
கலவையில் ஈரப்பதம் எஞ்சியிருக்காமல் இருக்க மிதமான தீயில் 10 நிமிடங்கள் சமைக்கவும். கலவை நன்றாகவும் கெட்டியாகவும் மாறிய பிறகு, நெய்யை சேர்த்து மீண்டும் கலக்கவும். மாம்பழ கலவை கெட்டியாக மாறியதும் அடுப்பை அணைக்கவும்.
ஒரு டின்னில் நெய் தடவி மாம்பழ கலவையை மாற்றவும். அதை சமமாக பரப்பி, உங்களுக்கு விருப்பமான நறுக்கிய நட்ஸ்களை மேலே வைக்கவும். மெதுவாக உள்ளே அழுத்தவும். 2-3 மணி நேரம் அப்படியே வைக்கவும்.
மாம்பழ பர்ஃபி செட் ஆன பிறகு, அதை விரும்பிய வடிவத்தில் வெட்டி உடனடியாக பரிமாறவும். இந்த இனிப்பை 1-2 நாட்களுக்கு குளிர்சாதன பெட்டியில் சேமித்து வைத்தும் சாப்பிடலாம்.
Stay updated with the latest news headlines and all the latest Lifestyle news. Download Indian Express Tamil App - Android or iOS.