ஈஸி லஞ்ச் பாக்ஸ் ரெசிபி: பட்டாணி அவல் உப்மா... மேலே கொஞ்சம் நெய்யில் வறுத்த முந்திரி எப்படி சாப்பிடலாம்

லஞ்ச் பாக்ஸ்க்கு ஏற்ற சுவையான பட்டாணி அவல் உப்மா எப்படி செய்வது என்று ஹோம் குக்கிங் தமிழ் யூடியூப் பக்கத்தில் கூறியிருப்பது பற்றி பார்ப்போம். 

தேவையான பொருட்கள்  

அவல் - 1 1/2 கப் 
பச்சை பட்டாணி - 1 கப்
எண்ணெய் - 1 மேசைக்கரண்டி 
நெய் - 1 மேசைக்கரண்டி  
சீரகம் - 1 தேக்கரண்டி  
பூண்டு - 4 பற்கள் இடித்தது 
பச்சை மிளகாய் - 2 நறுக்கியது 
இஞ்சி - 1 துண்டு நறுக்கியது
உப்பு - 1 தேக்கரண்டி 
பெருங்காயத்தூள்  
சர்க்கரை - 1 தேக்கரண்டி  
தனியா தூள் - 1 தேக்கரண்டி 
கரம் மசாலா தூள் - 1/2 தேக்கரண்டி  
கொத்தமல்லி இலை நறுக்கியது 
எலுமிச்சைபழச்சாறு

செய்முறை

முதலில் ஒரு அகலமான பாத்திரத்தில் எண்ணெய் மற்றும்  நெய் சேர்த்து சூடாக்கவும். நெய் உருகியவுடன் சீரகம் சேர்த்து லேசாக வறுக்கவும். இடித்த பூண்டு மற்றும் பொடியாக நறுக்கிய பச்சை மிளகாய், ஒரு துண்டு இஞ்சி சேர்த்து குறைந்த தீயில் லேசாக வதக்கவும்.

இப்போது பச்சை பட்டாணி சேர்த்து நன்றாக கலந்து விடவும். பட்டாணியில் உப்பு, சிறிதளவு பெருங்காயத்தூள்,  சர்க்கரை, தனியா தூள் சேர்த்து நன்றாக கிளறவும். 5 நிமிடங்கள் கழித்து கரம் மசாலா தூள் சேர்த்து நன்றாக கலந்து விடவும். அவலை 2-3 முறை நன்றாக கழுவி, தண்ணீர் வடித்து ஒரு தட்டில் பரப்பி வைக்கவும்.

இப்போது கழுவிய அவலை பட்டாணியில் சேர்த்து நன்றாக கலந்து விடவும். கடைசியாக, ஒரு கைப்பிடி நறுக்கிய கொத்தமல்லி சேர்த்து கலந்து விடவும். 2-3 சொட்டு எலுமிச்சைபழச்சாறு சேர்த்தால், சுவை இன்னும் அதிகரிக்கும். சூடாக இருக்கும்போதே இதை பரிமாறவும்.