மிளகை 10 நாட்கள் தேனில் ஊறவைத்து சாப்பிடுங்க… உடலின் நச்சுக்கள் சர்னு வெளியேறும்; டாக்டர் நித்யா

சிலர் எவ்வளவு வயதாகி இருந்தாலும் பார்ப்பதற்கு இளமையாகவே தோற்றமளிப்பார்கள். ஆனால், சிலர் இளம் வயதிலும் கூட முதுமை தோற்றத்தில் இருப்பார்கள். இதற்கான காரணங்கள் நிறைய இருப்பதாக மருத்துவர் நித்யா தெரிவித்துள்ளார். இதன் முதல் காரணம் மன அழுத்தம் என்று அவர் கூறுகிறார்.

அதன்படி, நீண்ட நாட்களாக யாரேனும் மன அழுத்தத்தில் இருந்தால் அவர்கள் வயதான தோற்றத்தில் காட்சியளிக்க கூடும். எனவே, மனதை புத்துணர்ச்சியாக வைத்திருப்பது அவசியம். இதேபோல், நம் உடலில் அதிகப்படியான கழிவுகள் சேர்ந்தாலும் நம் தோற்றம் வயதானவர்களை போன்று தோன்றும். அந்த வகையில் கழிவுகளை வெளியேற்றுவதும் அவசியம்.

தினசரி சில விஷயங்களை பின்பற்றுவதன் மூலம் இதனை தடுக்க முடியும். இதற்காக மிளகை பயன்படுத்தலாம் என்று மருத்துவர் நித்யா அறிவுறுத்துகிறார். மிளகில் நிறைய மருத்துவ குணங்கள் இருக்கின்றன. உதாரணத்திற்கு 50 கிராம் மிளகை, அது மூழ்கும் அளவிற்கு தேனில் ஊற வைக்க வேண்டும். 

இதனை 10 நாட்களுக்கு அப்படியே வைத்திருக்க வேண்டும். இவ்வாறு ஊறியதும் தினமும் மூன்று அல்லது நான்கு மிளகுகளை சாப்பிட வேண்டும் என்று மருத்துவர் நித்யா கூறுகிறார். குறிப்பாக, காலை உணவுக்கு முன்பாக இதனை சாப்பிட வேண்டும். தொடர்ந்து இப்படி சாப்பிட்டால் உடலில் இருக்கும் நச்சுகள் வெளியேறத் தொடங்கும்.

இப்படி செய்வதன் மூலம் கல்லீரலை புதுப்பிக்க முடியும் என்று கூறப்படுகிறது. இவை இரத்த நாளங்களில் அடைப்பை சரியாக்க உதவுகிறது. இது தவிர வேறு விதமாகவும் மிளகை பயன்படுத்தலாம். இதற்காக ஒரு லிட்டர் பசும்பால் எடுத்துக் கொள்ள வேண்டும். இதில் 50 கிராம் மிளகை போட்டு இரண்டு மணி நேரம் ஊற வைக்க வேண்டும்.

அதன் பின்னர், மிளகு கலந்த பாலை அடுப்பில் வைத்து கொதிக்க வைக்க வேண்டும். பால் சுண்டி வந்ததும் அடுப்பை ஆஃப் செய்து விடலாம். இதனை சுமார் இரண்டு முதல் மூன்று நாட்களுக்கு வெயிலில் வைத்து உலர்த்த வேண்டும். அதற்கடுத்து மிளகை தனியாக எடுத்துக் கொள்ளலாம். இந்த மிளகையும் தினசரி மூன்று என்ற அளவில் சாப்பிடலாம். இப்படி செய்யும் போது நுரையீரல் வலிமையாகும் என்று மருத்துவர் நித்யா தெரிவித்துள்ளார்.

நன்றி - Mr Ladies Youtube Channel

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.