வயிறு, இடுப்பு சுத்தி கொழுப்பு? இந்த ஒரு ஜூஸ் போதும்!

முருங்கை தென்னிந்தியாவில் அதிகம் காணக்கூடிய  மரமாகும். பெரும்பாலானோர் வீட்டிலேயே முருங்கை மரத்தை வளர்ப்பதுண்டு. ஆனால் சில பேர் மரத்தில் விளையும் முருங்கைக்காயை மட்டும் பறித்து சமைத்துவிட்டு முருங்கை இலையை கண்டுகொள்ளாமல் இருப்பார்கள். சிலர் அரிதாக முருங்கை இலையை பறித்து கீரை பொரியலாக செய்து சாப்பிடுவர்.

ஆனால் உண்மையில் முருங்கை அதன் அதிக ஊட்டச்சத்து மதிப்பு காரணமாக ஒரு சூப்பர்ஃபுட் எனக் கருதப்படுகிறது. வைட்டமின்கள், கால்சியம், இரும்பு மற்றும் முக்கியமான அமினோ அமிலங்கள் முருங்கையில் ஏராளமாக காணப்படுகின்றன. முருங்கைப் பொடியை உணவில் சேர்ப்பதற்கு ஏராளமான வழிகள் உள்ளன. எளிதான ஒரு வழிதான் முருங்கை சூப். முருங்கை சூப்பை எப்படி சட்டென செய்வது என்பதை பார்க்கலாம்.

தேவையான பொருட்கள்

முருங்கைக் கீரை - 1 கப்
தண்ணீர் - 2-3 கப்
சீரகம் - 1/2 டீஸ்பூன்
மிளகு - 1/4 டீஸ்பூன்
உப்பு - தேவையான அளவு
(விரும்பினால்) சின்ன வெங்காயம் அல்லது பூண்டு - சிறிது

செய்முறை:

முருங்கைக்கீரை சூப் தயாரிக்க, முருங்கைக் கீரையை நறுக்கி, தண்ணீர், மிளகு, சீரகம், மற்றும் பிற மசாலாப் பொருட்களுடன் சேர்த்து வேகவைத்து, வடிகட்டி எடுக்கவும். இதை தினமும் குழந்தைகள் முதல் பெரியவர்கள் வரை குடிக்கலாம். இதன் மற்ற நன்மைகளை பற்றி பார்ப்போம். 

பல ஆய்வுகள் முருங்கை இலைகளை உட்கொள்வது செரிமானத்திற்கு உதவுகிறது. எனவே, மலச்சிக்கல், வயிற்று உப்புசம் போன்ற பிரச்சனைகள் உள்ளவர்கள் முருங்கை இலைகளை அன்றாட உணவில் சேர்த்துக்கொள்ளலாம் என நிபுணர்கள் தெரிவிக்கின்றனர்.

முருங்கை இலையில் குர்செடின் மற்றும் குளோரோஜெனிக் அமிலம் அதிக அளவு ஆன்டி ஆக்ஸிடன்ட்கள் உள்ளன. இந்த கலவைகள் நச்சுகளை வெளியேற்றவும், இரத்தத்தை சுத்தப்படுத்துவது மட்டுமல்லாது பல பருவகால நோய்களைத் தடுக்கவும் உதவுகின்றன. இந்த காரணிகள் அனைத்தும் நோயெதிர்ப்பு ஆரோக்கியத்தை மேம்படுத்த உதவுகின்றன.

முருங்கை இலைகளில் வைட்டமின் ஏ அதிகம் உள்ளது, இது சருமத்தை மிருதுவாக்கும். மேலும் முருங்கையில் இருக்கும் ஆன்டிஆக்ஸிடன்ட்கள் தவிர, அழற்சி எதிர்ப்பு மற்றும் வைரஸ் எதிர்ப்பு பண்புகள் இரத்தத்தை சுத்தப்படுத்தவும், சருமத்தின் வயதாவதை மெதுவாக்கவும் உதவுகின்றன.

உடல் எடையையும் கொழுப்பையும் குறைக்க வேண்டும் என்று நினைக்கும் நபர்கள் இந்த சூப்பை செய்து அசத்துங்கள்!

View this post on Instagram

A post shared by PSJ Vlogs (@psjvlogs2102)