வெறும் 4 காய் போதும்... நீலகிரி வெஜ் குருமா ரெடி: செஃப் தாமு

நீலகிரி வெஜிடபிள் குருமா, சுலபமாக வீட்டிலேயே தயாரிக்கக்கூடிய ஒரு அற்புதமான ரெசிபி. குறிப்பாக, லஞ்ச் பாக்ஸிற்கு ஏற்றவாறு வெறும் 20 நிமிடங்களில் இதைத் தயார் செய்துவிடலாம். இதை செஃப் தாமு ஸ்டைலில் எப்படி செய்வது என்று சக்கரசாதமும் வடகறியும் இன்ஸ்டா பக்கத்தில் கூறியிருப்பது பற்றி பார்ப்போம்.

தேவையான பொருட்கள்:

எண்ணெய்
வெங்காயம்
தக்காளி - 2
இஞ்சி பூண்டு விழுது
தயிர் - கால் கப்
தண்ணீர் - ஒன்றரை கப்
பிரியாணி இலை
ஏலக்காய்
பட்டை
அன்னாசி பூ
ஜாதி பத்திரி
சோம்பு
குழம்பு மிளகாய் தூள்
மஞ்சள் தூள்
மல்லித்தூள்
உப்பு
கேரட்
உருளைக்கிழங்கு
பட்டாணி
காலிஃப்ளவர்
கொத்தமல்லி
புதினா
இஞ்சி
பூண்டு
பச்சை மிளகாய்
தேங்காய்

செய்முறை:

இந்தக் குருமாவைத் தயாரிக்க, முதலில் ஒரு குக்கரில் எண்ணெய் விட்டு, பிரியாணி இலை, ஏலக்காய், பட்டை, அன்னாசி பூ, ஜாதி பத்திரி, சோம்பு சேர்த்து வதக்கவும். பின்னர், வெங்காயம், இஞ்சி பூண்டு விழுது சேர்த்து நன்றாக வதங்கியதும், இரண்டு தக்காளி சேர்த்து வதக்க வேண்டும்.

அடுத்ததாக, கால் கப் தயிருடன் ஊறவைத்த கேரட், உருளைக்கிழங்கு, பட்டாணி சேர்த்து பிரஷர் குக் செய்து, அதனுடன் காலிஃப்ளவர் சேர்த்து குக்கரில் சேர்க்கவும். பிறகு, குழம்பு மிளகாய் தூள், மஞ்சள் தூள், மல்லித்தூள், உப்பு சேர்த்து நன்றாகக் கிளறி, ஒன்றரை கப் தண்ணீர் ஊற்றி, மூன்று விசில் வரும் வரை பிரஷர் குக் செய்யவும்.

குருமா வெந்துகொண்டிருக்கும்போதே, கிரீன் மசாலாவைத் தயார் செய்துவிடலாம். ஒரு மிக்ஸியில் கொத்தமல்லி, புதினா, இஞ்சி, பூண்டு, பச்சை மிளகாய், தேங்காய் சேர்த்து மைய அரைத்துக் கொள்ளவும். பிரஷர் குக் செய்த குருமாவுடன் இந்த அரைத்த மசாலாவைச் சேர்த்து, ஐந்து நிமிடங்கள் மட்டும் கொதிக்க வைத்து அடுப்பை அணைத்து விடவும்.

இந்த முறையில் தயாரிக்கப்படும் நீலகிரி வெஜ் குருமா, அதன் அழகான பச்சை நிறத்தை இழக்காமல், பார்ப்பதற்கே மிகவும் கவர்ச்சியாக இருக்கும். இது ஒரு ஆரோக்கியமான மற்றும் விரைவான சமையல் என்பதால், உங்கள் லஞ்ச் பாக்ஸிற்கு நன்றாக இருக்கும். குருமா சாதம், சப்பாத்தி, பூரிக்கு நன்றாக இருக்கும்.

View this post on Instagram

A post shared by Sakarasaathamum_vadakarium 😉 (@sakarasaathamum_vadakarium)