ட்யட்ல இருக்கீங்களா? அப்போ ஓட்ஸ் வைத்து இப்படி செய்து பாருங்கள்

உடல் எடை குறைக்க விரும்புபவர்கள் ஓட்ஸ் சாப்பிடுவது வழக்கம் தான். ஆனால் அதை இன்னும் கொஞ்சம் டேஸ்டியாக ஹோம் குக்கிங் தமிழ் யூடியூப் பக்கத்தில் செய்து காட்டியிருப்பது போன்று ஓட்ஸ் குக்கீஸ் எப்படி செய்வது என்று பார்ப்போம்.

தேவையான பொருட்கள்

ரோல்டு ஓட்ஸ் - 1 கப் 
இன்ஸ்டன்ட் ஓட்ஸ் - 2 கப்  
உப்பில்லாத வெண்ணெய் - 1/2 கப்  
சர்க்கரை - 1 கப்  
நாட்டு சர்க்கரை - 1 கப்  
பால் - 1/2 கப் காய்ச்சி ஆறவைத்தது  
கோகோ பவுடர் - 1/4 கப்  
க்ரன்ச் பினட் பட்டர் - 1/2 கப்
வெண்ணிலா எசென்ஸ் - 2 தேக்கரண்டி 
உப்பு  

செய்முறை

ஒரு பாத்திரத்தில் உப்பில்லாத வெண்ணெய் சேர்த்து சர்க்கரை, நாட்டு சர்க்கரை, பால் சேர்த்து கலந்துவிடவும். பின்பு கோகோ பவுடர் சேர்த்து கலந்து கொதிக்கவிடவும்.

பிறகு க்ரன்ச் பினட் பட்டர், வெண்ணிலா எசென்ஸ் மட்டும் உப்பு சேர்த்து கலக்கவும். பின்பு ரோல்டு ஓட்ஸ், இன்ஸ்டன்ட் ஓட்ஸ் சேர்த்து அடுப்பை குறைந்த தீயில் வைத்து கலந்துவிடவும்.

கேக் அச்சில் வெண்ணெய் தடவி பட்டர் பேப்பரை வைத்து அதன் மேல் தயார் செய்த ஓட்ஸ் கலவையை வட்டமாக தட்டி 1 மணிநேரம் வைக்கவும். அவ்வளவு தான் சுவையான ஓட்ஸ் குக்கீஸ் தயார். இதை ஒரு டப்பாவில் போட்டு ஒரு மாதம் வரை சேமித்து வைக்கலாம்.