இந்த சத்துக் குறைபாடு உங்களுக்கும் இருக்கலாம்; தேவை இந்த உணவுகள்; மருத்துவர்கள் அட்வைஸ்

மாக்ரோ மற்றும் மைக்ரோ சத்துக்கள் நமது உடலில் முக்கிய வேலைகளை செய்கிறது. மாக்ரோ நியூட்ரியண்ட்ஸ் என்பது கார்போஹைட்ரேட், புரத சத்து, கொழுப்பு ஆகும். இது உடலுக்கு அதிக அளவில் தேவைப்படுகிறது.இந்நிலையில் இந்த சத்துக்கள் செல்களை வளர்க்கவும், தசைகளை உருவாக்கவும் உதவுகிறது. மேலும் என்சைம் செயல்பாடுகளை சீராக்குகிறது.

மைக்ரோ நியூட்ரியண்ட்ஸ்  அளவில் குறைவாக தேவைப்படுகிறது. டிஎன்ஏ-க்களை உருவாக்கவும், ஹீமோகுளோபின், இன்சிலின் வெளியாவதில் உதவுகிறது. கூடுதலாக நோய் எதிர்ப்பு சக்தியை அதிகரிக்கவும், நரம்பு மண்டலம், எலும்புகளின் ஆரோக்கியத்தை பாதுகாக்க உதவுகிறது.

குறிப்பாக சைவ உணவு சாப்பிடுபவர்களுக்கு வைட்டமின் பி12, வைட்டமின் பி9, இரும்பு சத்து, புரத சத்து குறைபாடு ஏற்படும் வாய்ப்பு அதிகம்.

வைட்டமின் பி12 சத்து பெருவதற்கு சோயா அல்லது பாதாம் பால் குடிக்கலாம். வைட்டமின் பி9 கிடைக்க புரொக்கோளி, கீரை வகைகளை சேர்த்துகொள்ள வேண்டும். சியா விதைகள் மற்றும் கீரை ஆகியவற்றை சாப்பிட்டால் இரும்பு சத்துகள் கிடைக்கும்.

பருப்பு வகைகள், குயினோவா, சோயா வகை உணவுகளை, புரத தேவைக்கு சாப்பிட வேண்டும். மேலும் சைவ உணவை சாப்பிடுபவர்கள் ப்ரோபையோடிக் ஊட்டத்து நிறைந்த மாத்திரைகளை எடுத்துகொள்ள வேண்டும்.  

வைட்டமின் பி12 கிடைக்க பால், யோகர்ட், சீஸ் ஆகியவற்றை நாம் சாப்பிட வேண்டும். வைட்டமின் டி, மஷ்ரூம், சால்மன் மீன், முட்டையின் மஞ்சள் கரு ஆகியவற்றில் உள்ளது. குறிப்பாக ஐயோடின் குறைபாடு இருந்தால், ஐயோடின் நிறைந்த உப்பு எடுத்துக்கொள்ள வேண்டும். யோகர்ட், பால் பொருட்களை சாப்பிடலாம்.

வைட்டமின் ஏ சத்து குறைபாடு இருந்தால் கம்பு, பச்சை பயிறு, சக்கரைவள்ளி கிழங்கு, பப்பாளி, மாம்பழம், எள் ஆகியவற்றை சேர்த்துகொள்ள வேண்டும்.  

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“