லஞ்ச் ரெசிபி பண்ண புலம்பாதீங்க... வேர்க்கடலை வச்சு சாதம்; ஈஸி டிப்ஸ்!

வேர்க்கடலை புரதம், நார்ச்சத்து, கொழுப்பு நிறைந்த பருப்பு வகையாகும். இதனை நிலக்கடலை என்று கூறுவார்கள். இது உடலுக்கு ஆற்றலை அளிப்பதுடன் தசைகளுக்கு வலிமையைச் சேர்க்கிறது. ஒட்டு மொத்த ஆரோக்கியத்திற்கும் தேவையான ஊட்டச்சத்தை வேர்க்கடலை வழங்குகிறது. 

வேர்க்கடலையை, வறுத்தோ, பச்சையாகவோ, அவித்தோ சாப்பிடலாம். வேர்கடலை உடல் வளர்ச்சிக்கு உதவுகிறது. இது ஏழைகளின் பாதாம் என்று கூறப்படுகிறது. நீண்ட நேரம் வயிற்றை நிறைவாக வைக்கும் தன்மை வேர்கடலைக்கு உள்ளது.

வேர்க்கடலையில் வைட்டமின் E, ஃபோலேட், மெக்னீசியம் போன்ற அத்தியாவசிய வைட்டமின்கள் மற்றும் தாதுக்கள் உள்ளன. இதனை பலர் சட்னியாகவும், மாலை நேர திண்பண்டமாகவும் எடுத்துக் கொள்கின்றனர். வேர்க்கடலை எண்ணெய் சமையலுக்கு பயன்படுத்தப்படுகிறது.

உப்பு சேர்த்து வறுத்த வேர்க்கடலைகளை விட, உப்பு சேர்க்காமல் வறுத்த வேர்க்கடலைகளை உட்கொள்வது உடலுக்கு நன்மை பயக்கும். இப்படி பல நன்மைகளை தன்னுள் தக்கவைத்துள்ள வேர்கடலையை வைத்து வேர்க்கடலை சாதம் எப்படி செய்யலாம் என்று பார்ப்போம்.

தேவையான பொருட்கள்:

வேர்க்கடலை

உளுந்து

கருப்பு எள்

காய்ந்த மிளகாய்

தேங்காய்

தேங்காய் எண்ணெய்

கடலை பருப்பு

பெருங்காயப் பொடி

செய்முறை:

ஒரு கடாயில் வேர்க்கடலை, உளுந்து, கருப்பு எள், காய்ந்த மிளகாய் சேர்த்து மணம் வரும் வரை வறுத்து எடுக்க வேண்டும். இதனுடன் துருவிய தேங்காயைச் சேர்த்து பொன்னிறமாக வறுத்து எடுத்துக் கொள்ளவும். இதனை மிக்ஸியில் ஒரு 90 சதவிகிதம் அரைப்படும் படி அரைக்கவும்.

கடாயில் தேவையான அளவு தேங்காய் எண்ணெய் ஊற்றி கடலைப்பருப்பு, உளுந்து, காய்ந்த மிளகாய், பெருங்காயப்பொடி, வேர்க்கடலை, கறிவேப்பிலை சேர்த்து வதக்கவும். இதனுடன் சாதம் மற்றும் அரைத்த வேர்க்கடலை பொடியைச் சேர்த்து கிளறி எடுத்தால் வேர்க்கடலை சாதம் ரெடி.

இந்த சாதத்துடன் உருளைக்கிழங்கு பொறியல், சுட்ட அப்பளம் ஆகியவற்றை ஸைடிஸ்ஸாக வைத்து சாப்பிட்டால் ருசி அருமையாக இருக்கும். இனி லஞ்ச் பேக் பண்ண என்ன செய்யலாம் என்று யோசிக்க வேண்டாம். இந்த சாதத்தை உடனே செஞ்சு உங்க வீட்ல உள்ளவங்கள அசத்துங்க.

View this post on Instagram

A post shared by MURALIKRISHNAN M (@foodofnest)