காலை உணவுக்கு இந்த ஒரு கீரை கடையல் போதும்... ஒரு தட்டு சோறு காலியாகும்

காலை உணவுக்கு சாதம் வடித்து அதோடு சுவையான புளிச்ச கீரை பருப்பு கடையல் எப்படி செய்வது என்று பார்ப்போம். சுவையான பருப்பு கீரை கடையல் செய்வது பற்றி ஹோம் குக்கிங் தமிழ் யூடியூப் பக்கத்தில் செய்து காட்டியிருப்பது பற்றி பார்ப்போம்.

தேவையான பொருட்கள்

புளிச்ச கீரை 
துவரம் பருப்பு  
வெங்காயம் 
தக்காளி  
பச்சை மிளகாய் 
பூண்டு 
மஞ்சள் தூள்    
கல்லுப்பு  
புளி தண்ணீர்  
நெய்  
கடலை பருப்பு  
உளுத்தம் பருப்பு  
கடுகு  
சீரகம்  
தட்டிய பூண்டு  
காய்ந்த மிளகாய்  
பெருங்காயத்தூள் 
சின்ன வெங்காயம்  
கறிவேப்பிலை

செய்முறை 

ஒரு குக்கரில் ஊறவைத்த துவரம் பருப்பு, தண்ணீர், வெங்காயம், தக்காளி, பச்சை மிளகாய், பூண்டு, புளிச்ச கீரை, மஞ்சள் தூள் சேர்த்து கலந்துவிட்டு 5 விசில் வரும் வரை வேகவிடவும்.  அடுத்து குக்கரை திறந்து கல்லுப்பு, புளி தண்ணீர் சேர்த்து கலந்துவிட்டு 5 நிமிடம் கொதிக்கவிடவும்.

ஒரு கடாயில் நெய் சேர்த்து உருகியதும் கடலை பருப்பு, உளுத்தம் பருப்பு, கடுகு, சீரகம் சேர்க்கவும். கடுகு பொரிந்ததும் தட்டிய பூண்டு, காய்ந்த மிளகாய், பெருங்காயத்தூள், சின்ன வெங்காயம், கறிவேப்பிலை சேர்த்து வதக்கவும்.

அடுத்து வேகவைத்த பருப்பு மற்றும் கீரையை  சேர்த்து 2 நிமிடம் கொதிக்கவிடவும். அவ்வளவு தான் கொதிவிட்டு இறக்கினால் சுவையான புளிச்ச கீரை பருப்பு கடையல் தயாராகிவிடும்.