10 நிமிசத்தில் பாயசம்... முன்னாடியே இப்படி ரெடி செஞ்சு வச்சுக்கோங்க!

சேமியா பாயசம் என்பது தென்னிந்தியாவில் மிகவும் பிரபலமான ஒரு இனிப்புப் பலகாரம். இது வட இந்தியாவில் சேவய்யான் கீர் என்று அழைக்கப்படுகிறது. பாயசம் என்றால் பொதுவாக பால், சர்க்கரை மற்றும் சில தானியங்களைக் கொண்டு செய்யப்படும் ஒரு இனிப்பு பொருளாகும்.

இதில் சேமியாவை (வெர்மிசெல்லி) முக்கியப் பொருளாகப் பயன்படுத்துவதால் இது சேமியா பாயசம் என கூறப்படுகிறது. சிலர் சேமியாவிற்கு பதிலாக அரிசி கொண்டும் பாயாசம் செய்வர். சேமியா பாயசம் பண்டிகை காலங்கள், விருந்து, சிறப்பு நிகழ்ச்சிகளில் தவிர்க்க முடியாத இனிப்பு வகையாகும்.

தென்னிந்தியாவில் திருமண வீடுகளிலும் சேமியா பாயாசம் முக்கிய பங்கு வகிக்கிறது. இப்படி பல சிறப்பு கொண்ட சேமியா பாயாசம் ப்ரீ மிக்ஸ் குறித்து இந்த தொகுப்பில் பார்க்கலாம்.

தேவையான பொருட்கள்:

முந்திரி

பாதாம்

நெய்

சேமியா

குங்குமப்பூ

செய்முறை

முந்திரி பருப்பு மற்றும் பிஸ்தாவை நன்றாக வறுத்து எடுத்துக் கொள்ளவும். இதனுடன் பாதாம் மாவு சேர்த்து வறுத்து எடுத்துக் கொள்ளவும்.  பின்னர் ஒரு கடாயில் நெய் மற்றும் முந்திரி பருப்பு சேர்த்து வறுக்க வேண்டும். இதனுடன் சேமியா சேர்த்து வறுத்து எடுத்துக் கொள்ள வேண்டும். 

முந்திரி மற்றும் பிஸ்தா கலவையை குங்குமப் பூ சேர்த்து நன்றாக அரைத்து எடுத்துக் கொள்ள வேண்டும். இதனுடன் சேமியா கலவையை சேர்த்து ஒரு கண்ணாடி பாத்திரத்தில் பத்திரமாக சேமித்து வைத்துக் கொள்ளவும். 

View this post on Instagram

A post shared by Vidya Srinivasan (@traditionallymodernfood)

இரண்டு கப் பாலில் சேமியா பாயாசம் ப்ரீ மிக்ஸை சேர்த்து சூடாக்கி எடுத்தால் சேமியா பாயாசம் உடனே தயார்.