ஒரு டம்ளர் மோர்.. கால்சியம் சத்து நிறைந்த இயற்கை உணவுகள்: மருத்துவர் சிவராமன் அட்வைஸ்

சித்த மருத்துவர் கு.சிவராமன் எப்போதும் ஆரோக்கியமான உணவுகளைப் பற்றி மக்களிடையே விழிப்புணர்வு ஏற்படுத்தி வருகிறார். பல்வேறு நிகழ்ச்சிகளிலும், யூடியூப் பக்கத்திலும் இதுபற்றி பேசி வருகிறார். சிறுதானிய உணவு, பாரம்பரிய உணவுகளின் முக்கியத்துவத்தை அவர் கூறி வருகிறார்.   

அந்த வகையில், அவர் ஒரு வீடியோ பதிவில் கால்சியம் நிறைந்த உணவுகள் பற்றி கூறியுள்ளார். பூமிக்கு அடியில் விளையக் கூடிய அனைத்து கிழங்கு வகையிலும் கால்சியம் நிறைந்துள்ளது. பால், மோர் உள்ளிட்டவற்றில் கால்சியம் நிறைந்துள்ளது.  உடல் எடை குறைவாக உள்ளவர்கள் பால் எடுத்துக் கொள்ளலாம். அதே பருமனாக இருப்பவர்கள், கால்சியத்திற்கு மோர் எடுக்கலாம். 280 மி. கிராம் கால்சியம் உள்ளது. ராகி, கேழ்வரகு எடுக்கலாம். இதில் அதிக  கால்சியம் சத்து உள்ளது. 

இதை விட கால்சியம் சத்து அதிகமாகவும், மூலிகை குணம் எலுப்பு வலிமை தரக் கூடியதாக இருப்பது பிரண்டை கீரை. இதை துவையலாக செய்து சாப்பிடலாம். இது எலும்புக்கு அத்தனை வலிமை தரும். அசைவத்தில் மீன், கோழி கறி, ஆட்டு ஈரல், கோழி ஈரல் இதை எல்லாம் சாப்பிடலாம். எலுப்பு, தசை வலுப்பெறும் என்று கூறினார்.