மிளகாய் கிள்ளி போட்ட சாம்பார்... வேற லெவல் டேஸ்ட்; ஈஸி டிப்ஸ் பாருங்க!

தென்னிந்திய உணவுகளில் சாம்பாருக்கு எப்போதுமே தனி இடம் உள்ளது. ஒவ்வொரு ஊருக்கும் ஏற்றார் போல் இதன் செய்முறை மாறுபடும். அதன்படி, பலரது ஃபேவரட்டான மிளகாய் கிள்ளி போட்ட சாம்பார் ரெசிபியை இதில் காணலாம்.

தேவையான பொருட்கள்:

துவரம் பருப்பு,
வெங்காயம்,
தக்காளி,
மஞ்சள் தூள்,
பச்சை மிளகாய்,
பெருங்காயத்தூள்,
உப்பு,
எண்ணெய்,
சீரகம், 
காய்ந்த மிளகாய்,
பூண்டு,
சின்ன வெங்காயம்,
கறிவேப்பிலை,
புளி கரைசல் மற்றும்
கொத்தமல்லி.

செய்முறை:

ஒரு கப் துவரம் பருப்பை கழுவி விட்டு குக்கரில் போட வேண்டும். இத்துடன் சிறியதாக நறுக்கிய வெங்காயம், தக்காளி, கால் டேபிள் ஸ்பூன் மஞ்சள் தூள், 4 பச்சை மிளகாய், 2 சிட்டிகை பெருங்காயத்தூள் சேர்த்து மூன்று விசில் வரும் வரை வேக வைக்க வேண்டும்.

இதையடுத்து, தேவையான அளவு உப்பை இவற்றுடன் சேர்த்து மசித்துக் கொள்ளலாம். இப்போது, அடுப்பில் கடாய் வைத்து அதில் எண்ணெய் ஊற்றவும். இதில் கடுகு, சீரகம், காய்ந்த மிளகாய், இடிச்ச பூண்டு, சின்ன வெங்காயம், கறிவேப்பிலை, பெருங்காயம் சேர்த்து வதக்கலாம்.

இதையடுத்து, கடைந்து வைத்த பருப்பு, புளி கரைசல் சேர்த்து கலக்க வேண்டும். இறுதியாக கொத்தமல்லி இலைகள் தூவி இறக்கினால், சுவையான மிளகாய் கிள்ளி போட்ட சாம்பார் ரெடியாகி விடும்.

View this post on Instagram

A post shared by Vaishalibalachandar (@mom_of_boysvaishu)