5 தக்காளி போதும்... ஆவி பறக்கும் இட்லிக்கு அசத்தல் குழம்பு!

நாம் தினமும் உணவில் பயன்படுத்தும் தக்காளியில் வைட்டமின் ஏ, சி, கே, பி6, ஃபோலேட், பொட்டாசியம் மற்றும் தியாமின் போன்ற பல்வேறு வைட்டமின்கள் மற்றும் தாதுக்கள் உள்ளன. மேலும் தக்காளியில் லைகோபீன் போன்ற ஆன்டி-ஆக்ஸிடன்ட்களும் நிறைந்து காண்ப்படுகின்றன, இது புற்றுநோய் மற்றும் இதய நோய்க்கான அபாயத்தை குறைக்க பெரிதாக உதவுகிறது.

தக்காளியில் உள்ள பொட்டாசியம் மற்றும் லைகோபீன் ஆகியவை இரத்த அழுத்தத்தை குறைக்க பெருமளவில் உதவுகிறது, இரத்தத்தில் இருக்கும் கொழுப்பை கட்டுப்படுத்தவும் தக்காளி உதவுகிறது, தினமும் தக்காளி உணவில் எடுத்துக் கொள்ளும் போது அது இதய ஆரோக்கியத்தை மேம்படுத்துகிறது. வைட்டமின் ஏ மற்றும் லைகோபீன் ஆகியவை கண் பார்வையை மேம்படுத்தவும் உதவுகின்றன. 

தக்காளியில் உள்ள வைட்டமின் சி மற்றும் ஆன்டி-ஆக்ஸிடன்ட்கள் சருமத்தை சூரிய ஒளியில் இருந்து பாதுகாக்கவும், சருமத்தை இளமையாக வைத்திருக்கவும் உதவுகின்றன. தக்காளியை அரைத்து ஐஸ்கட்டிகள் உருவாக்கும் ட்ரேயில் ஊற்றி வைத்து அந்த ஐஸ்கட்டியை தினமும் முகத்தில் தேய்த்து வந்தால் முகப்பரு குழிகள் மற்றும் கரும்புள்ளிகள் அறவே நீங்கும்.

தக்காளியில் உள்ள வைட்டமின் கே மற்றும் கால்சியம் ஆகியவை எலும்புகளை வலுப்படுத்த பெருமளவில் உதவுகின்றன. தக்காளியில் உள்ள நார்ச்சத்து செரிமானத்தை மேம்படுத்துகிறது மற்றும் மலச்சிக்கலை தடுக்கிறது. தக்காளியில் குறைந்த அளவு கார்போஹைட்ரேட்டுகள் மற்றும் பெருமளவு நார்ச்சத்துக்கள் இரத்த சர்க்கரை அளவை கட்டுப்படுத்த பெருமளவில் உதவுகின்றன.

இப்போது வீட்ல தக்காளி மட்டும் தான் இருக்கா. ஆனா தோசை, இட்லி கூட ருசியான குழம்பு சாப்பிடணுமா. அப்போ இந்த ரெசிபி உங்களுக்கு ரொம்ப உதவியா இருக்கும். முக்கியமா பேச்சுலர்களுக்கு இந்த ரெசிபி அவசியம் தேவைப்படும். சுவையான ஹெல்த்தியான தக்காளி குழம்பு பாட்டி ஸ்டைலில் செய்யலாமா.

தேவையான பொருட்கள்:

தக்காளி - தலா 2
பச்சை மிளகாய் - ௧
பூண்டு - 2 பல்,
பொடியாக நறுக்கிய தேங்காய் - சிறிதளவு,
சீரகத்தூள் - ஒரு டீஸ்பூன்,
மிளகாய்த்தூள் - ஒன்றரை டீஸ்பூன்
மஞ்சள்தூள் - கால் டீஸ்பூன்
தனியாத்தூள் - 2 டீஸ்பூன்
கடுகு, உளுத்தம்பருப்பு - தலா அரை டீஸ்பூன்
பெரிய வெங்காயம் - 1
கறிவேப்பிலை, பொடியாக நறுக்கிய கொத்தமல்லி - சிறிதளவு
எண்ணெய், உப்பு - தேவையான அளவு

செய்முறை:

கடாயில் எண்ணெய் விட்டு, காய்ந்ததும் கடுகு, உளுத்தம்பருப்பு, கறிவேப்பிலை, தேங்காய்ப் போட்டு வறுத்ததும் வெங்காயம், பச்சை மிளகாய், பூண்டு சேர்த்து நன்கு வதக்க வேண்டும்.  தீயைக் குறைத்து, மஞ்சள்தூள், மிளகாய்த்தூள், தனியாத்தூள் போட்டு வதக்கி, நறுக்கிய தக்காளிகளைப் போட்டு, உப்பு சேர்த்து நன்றாக கிளற வேண்டும்.

பச்சை வாசனை போனதும், சீரகத்தூள்,  பொடியாக நறுக்கிய தக்காளியை சேர்த்து சிறிது நேரம் வதக்கி, தேவையான அளவு தண்ணீர் விட்டு, எண்ணெய் பிரிந்து வந்ததும், கொத்தமல்லி தூவி இறக்கவும்.

இப்போது இட்லி, தோசையுடன் தொட்டுக்கொள்ள தக்காளி குழம்பு ரெடி!

View this post on Instagram

A post shared by Vaishalibalachandar (@mom_of_boysvaishu)