கண்ட கண்ட மசாலாவுக்கு 'நோ'... சிம்பிள் லஞ்ச் ரெசிபி: ஈஸி டிப்ஸ்!

சோறு வடித்த பின், மிக விரைவாகவும், சுவையாகவும் செய்யக்கூடிய ஒரு சாதம் தக்காளி சாதம். இது காலை உணவு, மதிய உணவு அல்லது இரவு உணவிற்கு ஏற்ற ஒரு எளிய மற்றும் சத்தான உணவு. இந்த செய்முறை, புதிய சமைத்த சோற்றை வைத்து சுலபமாக எப்படி செய்வது என்று மை நேம் குயின் கேர்ள் இன்ஸ்டா பக்கத்தில் கூறியிருப்பது பற்றி பார்ப்போம்.

தேவையான பொருட்கள்:

அரிசி - 1 கப்
தக்காளி - 2 பெரியது (நறுக்கியது)
வெங்காயம் - 1 பெரியது (நீளமாக நறுக்கியது)
இஞ்சி பூண்டு விழுது - 1 டீஸ்பூன்
கறிவேப்பிலை - சிறிதளவு
பச்சை மிளகாய் - 2 (நீளமாக கீறியது)
கடுகு - 1/2 டீஸ்பூன்
மஞ்சள் தூள் - 1/4 டீஸ்பூன்
மிளகாய் தூள் - 1/2 முதல் 1 டீஸ்பூன் (காரத்திற்கு ஏற்ப)
மல்லித்தூள் - 1/2 டீஸ்பூன்
எண்ணெய் - 2 டேபிள்ஸ்பூன்
உப்பு - தேவையான அளவு
கொத்தமல்லி இலை - சிறிதளவு (நறுக்கியது)

செய்முறை:

முதலில் அரிசியை நன்கு கழுவி, உதிர் உதிராக வடித்து தனியாக எடுத்து வைத்துக் கொள்ளவும். அடுப்பில் ஒரு கடாயை வைத்து எண்ணெய் ஊற்றி சூடாக்கவும். எண்ணெய் காய்ந்ததும் கடுகு சேர்த்து வெடிக்க விடவும். கடுகு வெடித்ததும், கறிவேப்பிலை மற்றும் நீளமாக நறுக்கிய பச்சை மிளகாய் சேர்த்து வதக்கவும்.

பிறகு நீளமாக நறுக்கிய வெங்காயத்தை சேர்த்து பொன்னிறமாக வதக்கவும். வெங்காயம் வதங்கியதும், இஞ்சி பூண்டு விழுது சேர்த்து அதன் பச்சை வாசனை போகும் வரை வதக்கவும்.

இப்போது நறுக்கிய தக்காளியை சேர்த்து, உப்பு தூவி நன்கு மசிய வதக்கவும். தக்காளி கூழ் போல மாறும் வரை வதக்க வேண்டும். தக்காளி நன்கு வதங்கியதும், மஞ்சள் தூள், மிளகாய் தூள் மற்றும் மல்லித்தூள் சேர்த்து நன்கு கலக்கவும். மசாலா வாசனை வரும் வரை சுமார் 2 நிமிடங்கள் வதக்கவும்.

கடைசியாக, ஏற்கனவே வடித்து வைத்துள்ள சாதத்தை இந்த தக்காளி மசாலா கலவையுடன் சேர்த்து மெதுவாக கலக்கவும். சாதம் உடையாமல் கவனமாக கலக்க வேண்டும். சுமார் 2-3 நிமிடங்கள் அடுப்பை மிதமான சூட்டில் வைத்து சாதம் மற்றும் மசாலா நன்கு ஒன்றாக கலக்கும் வரை கிளறவும்.

View this post on Instagram

A post shared by Pushpa Valli (@my_name_queen_girl)

இறுதியாக, நறுக்கிய கொத்தமல்லி இலைகளை தூவி இறக்கி பரிமாறவும். இந்த சுவையான தக்காளி சாதம், அப்பளம்,  சிப்ஸ் உடன் சேர்த்து சாப்பிட மிகவும் அருமையாக இருக்கும். குறைந்த நேரத்தில் எளிதாக ஒரு முழுமையான உணவு தயார் செய்ய இது ஒரு சிறந்த வழியாகும்.