12 பங்கு அரிசிக்கு ஒரு பங்கு உளுந்து... சாஃப்ட் இட்லி இப்படி ட்ரை பண்ணுங்க!

தென்னிந்தியர்களின் தினசரி உணவுகளில் ஒன்றான இட்லியை சாஃப்ட்டாக செய்ய விரும்புகிறீர்களா, அதற்கு 12 பங்கௌ அரிசிக்கு ஒரு பங்கு உளுந்து சேர்த்து இப்படி செய்து பாருங்கள். சூப்பரான சாஃப்ட் இட்லி கிடைக்கும்.

நீங்கள் வழக்கமாக இட்லிக்கு மாவு அரைக்க ஊறவைக்க 8 ஆழாக்கு அளவு புழுங்கள் அரிசி எடுத்துக்கொள்ளுங்கள். 4 ஆழாக்கு அளவு பச்சரிசி எடுத்துக்கொள்ளுங்கள். 

அடுத்து 1 ஆழாக்கு அளவு உளுந்து எடுத்துக்கொள்ளுங்கள். இரண்டையும் நன்றாகக் கழுவிவிட்டு ஊறவையுங்கள். ஊறவைத்த பிறகு, முதலில் உளுந்து எடுத்து கிரைண்டரில் போட்டு மாவாக அரைத்துக்கொள்ளுங்கள்.  உளுந்து மாவு தனியாக எடுத்துக்கொள்ளுங்கள்.

அடுத்து அரிசி மாவை தனியாக கிரைண்டரில் போட்டு அரைத்துக்கொள்ளுங்கள். அதனுடன் சோறு ஒரு கைப்பிடி போட்டு மாவாக அரைத்துக்கொள்ளுங்கள்.

அரிசி மாவு, உளுந்து மாவு இரண்டையும் சேர்த்து கரைத்து புளிக்கை வையுஙள். அதனுடன் தேவையான அளவு உப்பு, சோடா மாவு சேர்த்து கரைத்து நீங்கள் வழக்கம் போல இட்லியை ஊற்றுங்கள். சாஃப்ட் இட்லி கிடைக்கும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“