குக்கரில் சாஃப்ட் பரோட்டா; மாவு பிசையவே வேண்டாம்: டிரெண்டிங் ரெசிபி

மொறுமொறுவென்று வெளிப்பக்கமும், பஞ்சு போல் உள்ளேயும், அடுக்கடுக்கான பரோட்டாவை சால்னாவுடன் சேர்த்துச் சாப்பிடும் சுவை அலாதியானது. ஆனால், அந்த பரோட்டாவை வீட்டில் செய்வது என்பது பலருக்கும் ஒரு சவாலான காரியம். மாவை மணி கணக்கில் பிசைந்து, நீண்ட நேரம் ஊறவைத்து, அப்புறம் அடுக்குகளாகத் தட்டி, எண்ணெயில் பொரித்து... என நினைக்கும்போதே மலைப்பு வரும். ஆனால், கவலை வேண்டாம்! பரோட்டா செய்வது இனி ஒரு கடினமான காரியமே இல்லை. குறைவான நேரத்தில், அதிகம் பிசையாமலே, வீட்டிலேயே மிருதுவான, சுவையான, அடுக்கடுக்கான பரோட்டாவை எப்படி எளிதாகச் செய்யலாம் என்று நளினி மாளிக் குக்கிங் என்ற யூடியூப் சேனலில் அற்புதமான குறிப்புகள் வழங்கப்பட்டுள்ளன. மாவைப் பிசைய அதிக நேரம் செலவழிக்கத் தேவையில்லை. மேலும், மாவை நீண்ட நேரம் ஊற வைக்கவும் தேவையில்லை. 

பிரஷர் குக்கரில் மாவை சமைத்தல் இதுதான் இந்த செய்முறையின் 'மாஸ்டர் ஸ்ட்ரோக்'. வழக்கமாக நாம் மாவை பிசைந்து ஊறவைப்போம். ஆனால், இந்த முறையில், மாவை பிரஷர் குக்கரில் எண்ணெய் சேர்த்துச் சமைக்கிறார்கள். இது மாவை மிக மென்மையாக்கி, பரோட்டாவுக்குத் தேவையான பக்குவத்தைக் கொடுக்கிறது. மைதா மாவுடன் தயிர் மற்றும் சர்க்கரை சேர்க்கப்படுகிறது. தயிர் பரோட்டாவை மிருதுவாக்க உதவு வதுடன், செரிமானத்திற்கும் துணைபுரிகிறது. சர்க்கரை பரோட்டாவுக்கு லேசான இனிப்புச் சுவையையும், பொன்னிறத்தையும் கொடுக்கும்.

பரோட்டாவின் முக்கிய அம்சம் அதன் அடுக்குகள். இதை வீட்டிலேயே கொண்டு வருவதுதான் பெரிய சவால். மாவைப் பிய்த்து, அதை மிக மெல்லியதாக, கிட்டத்தட்ட வெளிப்படையாகத் தெரியும் அளவுக்கு உருட்ட வேண்டும். பிறகு, அதை ஒரு சேலை மடிப்பு போல வரிசையாக மடித்து, வட்டமாக சுருட்ட வேண்டும். இது பரோட்டாவில் அழகான அடுக்குகளை உருவாக்க உதவும்.

தோசைக்கல்லில் பரோட்டாவை சுடும் முறைக்கும் சில நுட்பங்கள் உள்ளன. சரியான வெப்பநிலையில் சுடுவது, எப்போது திருப்ப வேண்டும், எவ்வளவு எண்ணெய் பயன்படுத்த வேண்டும் என்பதற்கான வழிமுறைகளை பின்பற்ற வேண்டும். பரோட்டாவுக்கு எண்ணெய் ஊற்றும்போது, அதன் அடுக்குகளுக்குள் சென்று மிருதுத் தன்மையை அதிகரிக்கும். கடைசியாக, சமைத்த பரோட்டாவை மெதுவாக அழுத்தி அல்லது "அடித்து" அடுக்குகளைப் பிரித்து, அதை இன்னும் மென்மையாக்க வேண்டும். இது கடைகளில் பரோட்டா மாஸ்டர்கள் செய்வதைப் போன்றே மிருதுவான பரோட்டாவை வீட்டிலேயே பெற உதவும்.

இனி பரோட்டா சாப்பிட ஹோட்டலுக்கு செல்ல வேண்டாம். இந்த எளிய செய்முறையைப் பின்பற்றி, வீட்டிலேயே சுவையான, மிருதுவான, அடுக்கடுக்கான பரோட்டாவை உருவாக்கி, சால்னாவுடன் சேர்த்து உண்டு மகிழுங்கள்.