காரசாரமான சோயா வறுவல்... சப்பாத்தி, ரசம், தயிர் சோறுக்கு இது ஒண்ணு போதும்!

கேரளாவின் தனித்துவமான மசாலாக்களையும், வறுத்த தேங்காய் விழுதையும், கறிவேப்பிலையையும் கொண்டு செய்யப்படும் சோயா மசாலா எப்படி செய்வது என்று பார்ப்போம். இது சாம்பார் சாதம், ரசம் சாதம், தயிர் சாதம் அல்லது சப்பாத்தி போன்ற உணவுகளுக்கு மிகச் சிறந்த துணையாக அமைகிறது. இதை எப்படி செய்வது என்று ப்ராவ்ஸ்கிச்சன் இன்ஸ்டா பக்கத்தில் கூறியிருப்பது பற்றி பார்ப்போம்.

தேவையான பொருட்கள்:

சோயா சங்ஸ் - 1 கப்  
வெங்காயம் - 1 
சின்ன வெங்காயம் - 15 
பச்சை மிளகாய் - 2 
இஞ்சி பூண்டு விழுது - 1 தேக்கரண்டி
கறிவேப்பிலை - 2 கொத்து
துருவிய தேங்காய் - 6 தேக்கரண்டி
காஷ்மீரி சிவப்பு மிளகாய் தூள் - 1 தேக்கரண்டி
சிவப்பு மிளகாய் தூள் - 1 தேக்கரண்டி
மல்லித்தூள் - 1 ½ தேக்கரண்டி
கரம் மசாலா - ½ தேக்கரண்டி
மிளகுத்தூள் - ½ தேக்கரண்டி
உப்பு - தேவைக்கேற்ப
தேங்காய் எண்ணெய் - 2 தேக்கரண்டி
கொத்தமல்லி இலைகள் - அலங்கரிக்க

செய்முறை:

ஒரு தேக்கரண்டி தேங்காய் எண்ணெயை சூடாக்கி, துருவிய தேங்காயை பொன்னிறமாக வறுக்கவும். பின்னர், காஷ்மீரி மிளகாய் தூள், சிவப்பு மிளகாய் தூள், மல்லித்தூள் மற்றும் கரம் மசாலா சேர்த்து நன்றாக வறுக்கவும். இதை சிறிது தண்ணீர் சேர்த்து மென்மையான விழுதாக அரைத்துக்கொள்ளவும்.

ஒரு கடாயில் தேங்காய் எண்ணெய் ஊற்றி, நறுக்கிய வெங்காயம், நசுக்கிய சின்ன வெங்காயம், பச்சை மிளகாய் மற்றும் கறிவேப்பிலை சேர்த்து வதக்கவும். பிறகு, உப்பு மற்றும் இஞ்சி பூண்டு விழுது சேர்த்து வதக்கவும். ஊறவைத்து பிழிந்த சோயா சங்ஸ், அரைத்த மசாலா விழுது மற்றும் சிறிது தண்ணீர் சேர்த்துக்கொள்ளவும். இதை அதிக தீயில் 5-7 நிமிடங்கள் மசாலா சோயாவுடன் நன்றாக கலக்கும் வரை சமைக்கவும்.

View this post on Instagram

A post shared by PRAVEEN KUMAR M P (@pravzkitchen)

சோயா வறுவல் காய்ந்ததும், மிளகுத்தூள் தூவி, கொத்தமல்லி இலைகளைக் கொண்டு அலங்கரித்து, சூடாக பரிமாறவும். இந்த ஆரோக்கியமான மற்றும் சுவையான உணவு, வீட்டில் எளிதாக செய்யக்கூடியது. மேலும், இது பண்டிகை காலங்கள் அல்லது சிறப்பு விருந்தினர்களுக்கு பரிமாறுவதற்கு ஏற்ற ஒரு சிறந்த தேர்வாகும். இதை சாதம் அல்லது சப்பாத்தியுடன் சுவைத்துப் பாருங்கள்.