சண்டே ஸ்பெஷல்... சிக்கனை ஊறவைத்து ஒன்பாட் சிக்கன் குழம்பு

சண்டே வந்துவிட்டது அவ்வளவு தான் எல்லோர் வீட்டிலும் என்ன சாப்பிடலாம் என்று சிந்திக்க ஆரம்பித்து இருப்பீர்கள். அவர்களுக்கான ரெஸிப்பீஸ் தான் இது. பேச்சுலர்ஸ் கூட ஈஸியாக செய்யக்கூடிய ஒன்பாட் சிக்கன் ரெஸிப்பீஸ் எப்படி செய்வது என்று ஹோம் குக்கிங் யூடியூப் பக்கத்தில் செய்து காட்டியிருப்பது பற்றி பார்ப்போம். 

தேவையான பொருட்கள்

சிக்கனை ஊறவைக்க

சிக்கன் - 1 கிலோ
உப்பு - 2 தேக்கரண்டி
மஞ்சள் தூள் - 1 தேக்கரண்டி
மிளகாய் தூள் - 2 தேக்கரண்டி
மல்லி விதைகள் - 3 மேசைக்கரண்டி 
பட்டை
கிராம்பு  
ஏலக்காய்
அன்னாசிப்பூ ஜாவித்ரி
சீரகம் - 2 தேக்கரண்டி
மிளகு - 1/2 தேக்கரண்டி
கசகசா - 1 மேசைக்கரண்டி
கொப்பரை தேங்காய் - 1 மேசைக்கரண்டி
நல்லெண்ணெய் - 3 மேசைக்கரண்டி
வெங்காயம் - 2 
பச்சை மிளகாய் - 1
இஞ்சி பூண்டு
தக்காளி - 3 
கறிவேப்பில்லை  
கொத்தமல்லி இலை 

செய்முறை 

ஒரு அகலமான பாத்திரத்தில் சிக்கனை எடுத்து உப்பு, மஞ்சள் தூள், மிளகாய் தூள் சேர்த்து கலந்து ஒரு 30 நிமிடங்கள் ஊறவைக்கவும்.

ஒரு கடாயில், கொத்தமல்லி விதைகள், இலவங்கப்பட்டை, கிராம்பு, ஏலக்காய் சேர்க்கவும்.. அன்னாசிப்பூ, ஜெவித்ரி, சீரகம் மற்றும் மிளகு சேர்த்து நன்கு வறுக்கவும். கசகசா விதைகள், துருவிய உலர்ந்த தேங்காய் சேர்த்து வறுத்து ஆறவிடவும். ஆறியதும் மிக்சி ஜாடிக்கு மாற்றி மிருதுவாக அரைக்கவும்.

பின்னர் பிரஷர் குக்கரில், எண்ணெய் சேர்த்து, வெங்காயம், பச்சை மிளகாயைப் பொடியாக நறுக்கி, வதக்கவும். அரைத்த இஞ்சி பூண்டு விழுது சேர்த்து கலந்து பொடியாக நறுக்கிய தக்காளி, கறிவேப்பிலை சேர்த்து வதக்கவும்.

மாரினேட் செய்த சிக்கனை சேர்த்து நன்கு கலக்கவும். பின்னர் அரைத்த மசாலா தூள் சேர்த்து ஒன்றாக கலந்து தண்ணீர் சேர்த்து குக்கரை மூடி 3 விசில் வரும் வரை வேக விடவும்.

அவ்வளவு தான் சுவையான சிக்கன் குழம்பு ரெடியாகி விடும்.