ஒரு சொட்டு எண்ணெய் வேணாம்... டேஸ்டி குருமா; ஈஸி டிப்ஸ்!

எண்ணெய் இல்லாத பீட்ரூட் குருமா குக்கரில் எப்படி செய்யலாம் என்பதை பார்ப்போமா?

தேவையான பொருட்கள்:

வெங்காயம் - 1 (நறுக்கியது)

தக்காளி - 2 (நறுக்கியது)

பீட்ரூட் - 1 (தோல் சீவி துருவியது)

இஞ்சி விழுது - 1 தேக்கரண்டி

பூண்டு விழுது - 1 தேக்கரண்டி

பச்சை மிளகாய் விழுது - 2 தேக்கரண்டி

கரம் மசாலா தூள் - 1 தேக்கரண்டி

பாதாம் தூள் - 3 தேக்கரண்டி

பச்சை பட்டாணி - 1/2 கப்

உப்பு - தேவையான அளவு

பால் - 1 கப்

தண்ணீர் - 1 கப்

மல்லித்தழை - 3 தேக்கரண்டி (நறுக்கியது)

செய்முறை: 

ஒரு குக்கரை அடுப்பில் வைத்து, அதில் நறுக்கிய வெங்காயம், தக்காளி, இஞ்சி, பூண்டு, மற்றும் பச்சை மிளகாய் விழுதுகளைச் சேர்க்கவும். அத்துடன் துருவிய பீட்ரூட், பச்சை பட்டாணி, கரம் மசாலா தூள், தேவையான அளவு உப்பு, பாதாம் தூள், பால், மற்றும் தண்ணீர் சேர்த்து நன்கு கலக்கவும். குக்கரை மூடி, மிதமான தீயில் 1 விசில் வரும் வரை வேக விடவும்.

View this post on Instagram

A post shared by Aarthi Vivekanandan (@yummytummyaarthi)

விசில் அடங்கியதும், குக்கரை திறந்து, நறுக்கிய மல்லித்தழையைச் சேர்த்து, நன்றாக கலந்து பரிமாறவும். சுவையான மற்றும் ஆரோக்கியமான எண்ணெய் இல்லாத பீட்ரூட் குருமா தயார். இதை சப்பாத்தி, பூரி அல்லது சாதத்துடன் சேர்த்து சாப்பிடலாம்.