மதுரை ஸ்டைல் மொறு மொறு சிக்கன் 65... இந்த ஆயில் தான் ரெசிபியோட சீக்ரெட்: செஃப் தீனா

இன்றைய காலக்கட்டததில் அசைவ உணவு சாப்பிடுவதை பலரும் தங்கள் வழக்கமாக வைத்துள்ளனர், கடைகளில் சாப்பிடுவதோடு மட்டுமல்லாமல் வீட்டிலும் செய்து சாப்பிடுகின்றனர். அந்த வகையில் மொறு மொறுவென சிக்கன் 65 செய்வது எப்படி என்பதை இந்த பதிவில் பார்ப்போம்.

தேவையான பொருட்கள்:

தேங்காய் எண்ணெய்  - 2 லிட்டர்

சிக்கன் – 3 கிலோ

மஞ்சள் தூள் – அரை டீஸ்பூன்

மிளகாய் தூள் – 4 டீஸ்பூன்

இஞ்சி பேஸ்ட் – 100கிராம்

பூண்டு பேஸ்ட் – 100 கிராம்

கான்ஃபிளார் மாவு – 60 கிராம்

அரிசி மாவு – 50 கிராம்

தயிர் – 150 எம்.எல்.

எலுமிச்சை – 2

முட்டை – 2

எள்ளு – சிறிதளவு

கறிவேப்பிலை மற்றும் உப்பு – தேவையான அளவு

செய்முறை

முதலில் ஒரு பாண் எடுத்துக்கொண்டு அதில், கான்ஃப்ளார் மாவு, அரிசி மாவு, ஆகியவற்றை சேர்த்து கலந்துகொள்ளவும். அடுத்து மஞ்சள் தூள், மிளகாய் தூய் சேர்த்து கிளறவும்.

அதன்பிறகு இஞ்சி, பூண்டு பேஸ்ட், தயிர், எலுமிச்சை சாறு, ஆகியவற்றை சேர்த்து நன்றாக கிளறிவிட்டு, அதில் முட்டையை உடைத்து ஊற்றி தேவையாள அளவு உப்பு சேர்த்து கிளறி விடவும்.

இந்த கலவை நன்றாக கலக்க வேண்டும். .தேவைப்பட்டால் தண்ணீர் அல்லது தேங்காய் எண்ணெய் சேர்த்து கிளறிவிடவும். இந்த கலவையில், எடுத்து வைத்துள்ள சிக்கனை சேர்த்து நன்றாக கிளறவும்.

மசாலாவுடன் சிக்கனை சேர்த்து நன்றாக கிளறிவிட்டு, அதில், எள்ளு சேர்த்து கிளரவும். இந்த கலவை 15-25 நிமிடங்கள் ஊறவைக்க வேண்டும். அடுத்த ஒரு பானில் தேங்காய் எண்ணெய் காயவைத்து, ஊறவைத்த சிக்கனை பொறித்து எடுக்க வேண்டும். ‘

சிக்கன் நான்றாக வெந்தவுடன், அதை எடுப்பதற்கு முன், சிறிதளவு கருவேப்பிலையை எண்ணெயில் போட்டு அதனுடன் சேர்த்து எடுக்க வேண்டும். அப்படி எடுத்தால் சுவையான சிக்கன் 65 ரெடி.