இரவு ஆகச் சிறந்த உணவு இதுதான்: சுகர் பேஷண்ட்ஸ் நோட் பண்ணுங்க

இரவு உணவு வேண்டாம் என்று சிலர் சொல்லக் கேட்டிருப்போம். ஆனால், இரவு உணவு என்பது உடலுக்கு மிகவும் முக்கியமான ஒன்று. ஒரு புதிய ஆராய்ச்சி முடிவுகளின்படி, சரியான நேரத்தில், இரண்டு வேளை உணவை மட்டும் எடுத்துக்கொள்வதன் மூலம் சர்க்கரை அளவை கட்டுக்குள் வைத்திருக்க முடியும் என்று கண்டறியப்பட்டுள்ளது. காலை 9 மணிக்கு முதல் உணவை எடுத்துக்கொள்ளுங்கள். மாலை 5 மணிக்கு இரண்டாம் உணவை முடித்துக்கொள்ளுங்கள்.

இவ்விரண்டு நேரங்களுக்கு இடையில், தேவையெனில் பழங்கள் அல்லது ஆரோக்கியமான நொறுக்குத்தீனிகளை எடுத்துக்கொள்ளலாம். இப்படி உணவை நிர்வகிப்பதன் மூலம், உடல் தானாகவே சர்க்கரை அளவை சீராக வைத்திருக்க உதவும். ஆனால், இரவு நேரத்தில் பசியை தாங்க முடியவில்லை  என்றால்,  என்ன செய்வது? அதற்கும் ஒரு எளிய தீர்வு இருக்கிறது. கோதுமை ரவை கிச்சடி: இரவு உணவின் சிறந்த தேர்வு.

இரவு நேரத்திற்கு மிகவும் எளிய, அதே சமயம் மிகவும் ஆரோக்கியமான உணவு கோதுமை ரவை கிச்சடி. இதை செய்வது மிகவும் சுலபம். வீட்டில் சர்க்கரை நோய் உள்ளவர்கள் அல்லது சர்க்கரை நோய் வருவதற்கான வாய்ப்புள்ளவர்கள் கட்டாயம் இந்த உணவை எடுத்துக்கொள்ளலாம் என்று டாக்டர் சிவராமன் கூறியுள்ளார்.

செய்முறை:

கோதுமை ரவை கிச்சடி செய்யும்போது, பலவிதமான காய்கறிகளை சேர்க்கலாம். கேரட், பீன்ஸ், பட்டாணி, வெங்காயம், தக்காளி என உங்களுக்கு பிடித்த அனைத்து காய்கறிகளையும் சேர்த்து தயாரிக்கலாம்.

ஒரு கடாயில் சிறிதளவு எண்ணெய் அல்லது நெய் விட்டு, கடுகு, உளுத்தம் பருப்பு தாளித்து, நறுக்கிய வெங்காயம் சேர்த்து வதக்கவும். பின், இஞ்சி பூண்டு விழுது, தக்காளி மற்றும் காய்கறிகளை சேர்த்து நன்றாக வதக்கவும். தேவையான அளவு தண்ணீர் சேர்த்து கொதிக்கவிடவும்.

தண்ணீர் கொதித்ததும், வறுத்து வைத்த கோதுமை ரவையை கொஞ்சம் கொஞ்சமாக சேர்த்து கிளறவும். அடுப்பை மிதமான தீயில் வைத்து, மூடி போட்டு வேகவிடவும். கடைசியாக, கொத்தமல்லி தழை தூவி பரிமாறவும். இந்த கிச்சடி, இரவு நேரத்தில் உடலுக்கு தேவையான ஆற்றலை கொடுக்கும் அதே சமயம், சர்க்கரை அளவை அதிகரிக்காது. மேலும், கோதுமை ரவை அதிக நார்ச்சத்து நிறைந்தது என்பதால், செரிமானத்திற்கும் உதவுகிறது. இரவு உணவுக்கு இது ஒரு மிகச்சிறந்த மாற்றாக இருக்கும். நீங்களும் ட்ரை பண்ணி பாருங்க.