பஞ்சு மாதிரி இட்லிக்கு... சூடான தக்காளி கடப்பா; ஈஸி டிப்ஸ்!

இந்தத் தக்காளி கடப்பா உங்கள் இட்லி, தோசைக்குச் சிறந்த ஜோடி. பத்து நிமிடத்தில் உங்கள் செய்யும் இந்த ரெசிபி உங்கள் குடும்பத்தின் விருப்பமான ஒன்றாக மாறும். மிகவும் சுவையாக இருக்கும், எப்படி செய்வது என்று பார்க்கலாமா?

தேவையான பொருட்கள்:

தக்காளி - 3

தேங்காய் - 4 பத்தை

பொட்டுக்கடலை - 1 டேபிள்ஸ்பூன்

பச்சை மிளகாய் - 3

சோம்பு - 1 டீஸ்பூன்

தேங்காய் எண்ணெய் - 4 டேபிள்ஸ்பூன்

கடுகு - 1 டீஸ்பூன்

கறிவேப்பிலை - சிறிதளவு

பெரிய வெங்காயம் - 2

உப்பு - தேவையான அளவு

குழம்பு மிளகாய் தூள் - 1 டேபிள்ஸ்பூன்

கொத்தமல்லி - சிறிதளவு (நறுக்கியது)

செய்முறை:

முதலில், மூன்று தக்காளியைத் தனியாக நைசாக அரைத்துக்கொள்ளுங்கள். பிறகு, தேங்காய், பொட்டுக்கடலை, பச்சை மிளகாய் மற்றும் சோம்பு ஆகியவற்றைச் சேர்த்து நைசாக அரைத்து தனியாக வைத்துக் கொள்ளுங்கள்.

ஒரு கடாயில் நான்கு டேபிள்ஸ்பூன் தேங்காய் எண்ணெய் ஊற்றி சூடாக்கவும். எண்ணெய் காய்ந்ததும், ஒரு டீஸ்பூன் கடுகு, சிறிதளவு கறிவேப்பிலை சேர்த்து தாளிக்கவும். நறுக்கிய இரண்டு பெரிய வெங்காயத்தைச் சேர்த்து, தேவையான அளவு உப்பு சேர்த்து நன்கு வதக்கவும். 

View this post on Instagram

A post shared by PRAVEEN KUMAR M P (@pravzkitchen)

வெங்காயம் பொன்னிறமாக வதங்கியதும், அரைத்து வைத்துள்ள தக்காளி விழுதைச் சேர்க்கவும். ஒரு டேபிள்ஸ்பூன் குழம்பு மிளகாய் தூள் சேர்த்து நன்கு கிளறவும். தக்காளி விழுது நன்கு கொதித்து எண்ணெய் பிரிந்து வந்ததும், அரைத்து வைத்துள்ள தேங்காய் விழுதைச் சேர்க்கவும்.

குழம்புக்குத் தேவையான அளவு தண்ணீர் சேர்த்து நன்கு கலக்கவும். இரண்டு கொதி வந்ததும், கடைசியாகக் கறிவேப்பிலை மற்றும் கொத்தமல்லி தூவி இறக்கினால், சுவையான தக்காளி கடப்பா தயார்! இந்தத் தக்காளி கடப்பாவுடன் சூடான இட்லி அல்லது தோசையை எத்தனை சாப்பிடுகிறோம் என்ற கணக்கே தெரியாது. நிச்சயம் முயற்சி செய்து பாருங்கள்!