கடவுள் தந்த வரம்... இதயத்தை பாதுகாக்கும் இந்த ஜூஸ்: டாக்டர் டிப்ஸ்

பீட்ரூட் ஜூஸ் குடிப்பது நமது உடலுக்குப் பல நன்மைகளைத் தரும். குறிப்பாக, இது ரத்த நாளங்களை விரிவடையச் செய்து, இரத்த ஓட்டத்தை மேம்படுத்துகிறது. ஒரு முறை பீட்ரூட் ஜூஸ் குடித்தால், சுமார் 6 மணி நேரம் வரை இந்த பலன் நீடிக்கும். இதை தினமும் 250 மில்லி லிட்டர் அளவுக்கு எடுத்துக்கொள்வது மிகவும் நல்லது.

தினமும் காலையில் வெறும் வயிற்றில் கேரட், பீட்ரூட் ஜூஸ் குடிப்பது சிறந்தது. அதனுடன் சிறிது எலுமிச்சை சாறு மற்றும் கொத்தமல்லி இலைகள் சேர்த்து குடிக்கலாம். நேரடியாக பீட்ரூட் ஜூஸ் குடிக்கப் பிடிக்காதவர்கள், ஆப்பிள் மற்றும் கேரட் போன்றவற்றுடன் சேர்த்து ஏபிசி ஜூஸாக குடிக்கலாம். ஒரு நாளைக்கு அரை பீட்ரூட் மட்டுமே போதுமானது. 250 மில்லி அளவுக்கு மேல் குடிப்பது நல்லதல்ல. வாய் துர்நாற்றம் உள்ளவர்களுக்கு இது ஒரு சிறந்த தீர்வாக அமையும்.

வயிற்றில் உள்ள அமில சமநிலை சீராக இல்லாதபோது வாய் துர்நாற்றம் ஏற்படலாம். பீட்ரூட் ஜூஸ் குடிப்பதால் இந்த சமநிலை சீரடைந்து, வாய் துர்நாற்றம் குறையும். இதைத் தொடர்ந்து குடித்து வந்தால் வாய் துர்நாற்றம் அறவே நீங்கும். பீட்ரூட் ஜூஸ் குடித்த பிறகு உங்கள் சிறுநீர் வெளிர் நிறத்தில் இருந்தால், உங்கள் உடலில் நைட்ரிக் ஆக்சைடு குறைவாக உள்ளது என்று அர்த்தம். மேலும் சில நாட்கள் தொடர்ந்து ஜூஸ் குடிப்பது அவசியம். பீட்ரூட் ஜூஸ் சுவையாக இல்லையென்று நினைப்பவர்கள், மற்ற காய்கறிகளுடன் கலந்து அருந்தலாம்.

View this post on Instagram

A post shared by பாட்டி வைத்தியம் (@paati_vaithiyam_)

குழந்தைகள் முதல் பெரியவர்கள் வரை அனைவரும் பீட்ரூட் ஜூஸ் குடிக்கலாம். இது இதயத்தின் ஆரோக்கியத்திற்கு மிகவும் நன்மை பயக்கும். இதன் விலை குறைவாக இருப்பதால், பலரும் இதன் மருத்துவப் பயன்களை அறியாமல் இருக்கிறார்கள். ஆனால் பீட்ரூட் ஜூஸ் என்பது மிக மலிவான விலையில் கிடைக்கும் ஒரு சிறந்த மருந்தாகும். இதைத் தொடர்ந்து உட்கொண்டு உங்கள் ஆரோக்கியத்தைப் பராமரிக்கலாம்.